EMRI/ Kundërshtoi me forcë një efektiv policie në Tiranë, vihet në pranga personazhi i njohur i botës së krimit

elidon kotorri

TIRANË- Një 49-vjeçar është arrestuar mbrëmjen e djeshme në Tiranë, pasi ka kundërshtuar me forcë një punonjës policie gjatë ushtrimit të detyrës. Në pranga është vënë Elidon Kotorri. Sipas informacioneve, Kotorri kishte pasur një konflikt me një person tjetër dhe në momentin kur efektivët kanë mbërritur në vendin e ngjarjes për ta shoqëruar në komisariat, ai i ka kundërshtuar.

"Specialistët e Seksionit për Hetimin e Krimeve në Komisariatin e Policisë Nr. 1 arrestuan shtetasin E. K., 49 vjeç, banues në Tiranë, pasi ka kundërshtuar me forcë një punonjës Policie gjatë ushtrimit të detyrës.", thuhet në njoftimin e policisë. 

Elidon Kotorri është personazh i njohuri i botës së krimit. Në vitin 2000 u dënua me burgim të përjetshëm për vrasjen e trefishtë të Andi Hasanit, Sokol Alushit dhe Gazmend Zenelit. Por, ai sot është i lirë pasi çështja ndaj ti u rihap në 2015-ën nga një vendim i Gjykatës së Strasburgut. Kjo e fundit gjeti shkelje në proces duke e rikthyer për gjykim. Shkalla e parë në Tiranë pranoi gjykimin e shkurtuar dhe e dënoi me 25 vite, nga të cilat Kotorri ka kryer rreth 20, ndërsa ka përfituar edhe ulje. Nga hetimet rezultoi se Kotorri e kreu vrasjen për hakmarrje, pasi Andi Hasani në vitin 1998 kishte vrarë mikun e tij Elton Zajmi.

elidon kotorri