Një zë i rëndësishëm në Kongresin e Shteteve të Bashkuara të Amerikës, republikania Alexandria Ocasio Cortez ka rea...
AKTUALITET
Atentat i mirëorganizuar/ Gilmando Dani lëvizte me makinë të blinduar, autorët përdorën plumba blind-shpues
PiranjatPërditësimi i fundit 11 Nëntor 2025, 15:45
Gilmando Dani, krahu i djathtë i Emiljano Shullazit është ekzekutuar në një antenat mafioz pasditen e sotme pranë aeroportit të Rinasit. Ai po lëvizte bashkë me një person tjetër me një Benz të bardhë luksoz, kur autorët me një tjetër makinë i zunë pritë dhe i qëlluan me breshëri plumbash. Shoferi Muçi Shaljani (Sheqeri) ka mbetur i plagosur rëndë. Nga informacionet e para, mjeti është në pronësi të Elvis Kosovës.
Atentati ka ndodhur pak pas orës 14.15 minuta, në një zonë ku ka një trafik të dendur dhe qarkullimi i mjeteve është shumë i ngadaltë. Një rrethanë që duket se ka ndihmuar vrasësit, për të shënjestruar objektivin e tyre. Dani, i cili ndodhej në anën e pasagjerit, ka mbetur vrarë në vend nga plumbat.
Por nga detajet e para rezulton se atentati ka qenë i mirëmenduar, pasi autorët prej ditësh ruanin lëvizjet e viktimës, Gilmando Dani, krehu i djathtë i Emiljano Shullazit. Nga kjo ata kanë mësuar se Dani lëvizte me makinë i blinduar kudo. Ndërkohë që autorët e kanë ditur këtë detaj dhe kanë përdorur plumba blind-shpues për ta vrarë.
Piranjat.al ka siguruar pamjet nga vendngjarja, ku shihet se efektivët kanë përdorur leva për të thyer xhamat e makinës, në mënyrë që të nxirnin trupat jashtë.
