Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
AKTUALITET
'Giro d'Italia' mbërrin në Tiranë/ Akset e bllokuara, Policia: Punonjësit, instruktazh të veçantë për përmbushjen e detyrave funksionale
m.lPërditësimi i fundit 9 Maj 2025, 10:15
TIRANË- "Giro d'Italia", gara ndërkombëtare e çiklizmit ka mbërritur në kryeqytet. Tirana për dy ditë rresht do të mirëpresë këtë aktivitet sportiv që vendos Shqipërinë në qendër të vëmëndjes ndërkombëtare. Policia e Tiranës ka bërë me dije se për të garantuar mbarëvajtjen dhe sigurinë gjatë kësaj gare, ka ndërmarrë masa të veçanta.
Mësohet se është zhvilluar një instruktazh i posaçëm me efektivët dhe do të jenë të angazhuar në terren përgjatë gjithë itinerarit të parashikuar.
Punonjësit e Policisë, instruktazh të veçantë, për përmbushjen e detyrave funksionale, të caktuara për mbarëvajtjen e garës “Giro d’Italia”.????♀️????????♂️
Shërbimet e Policisë Rrugore të Tiranës dhe shërbimet e komisariateve në varësi të DVP Tiranë kanë ndërmarrë të gjitha masat e nevojshme për garantimin e mbarëvajtjes së aktivitetit ndërkombëtar “Giro d’Italia”, si dhe për garantimin e sigurisë publike gjatë 2 ditëve gjatë të cilave ky aktivitet do të zhvillohet në Tiranë.
Mengjesin e sotëm është zhvilluar instruktazhi i punonjësve të Policisë, gjatë të cilit janë dhënë porosi të qarta për respektimin rigoroz të detyrave funksionale, për garantimin e sigurisë përgjatë itinerarit të garës, për ofrimin e asistencës, si dhe për orientimin e qytetarëve.
‼️KUJTESË: Ditën e sotme, në orën 13:00, fillon bllokimi i akseve rrugore:
????Rruga “SH3” (fshati Gracen deri në rrethrrotullimin i TEG-ut); ????Rrethrrotullimi i TEG-ut deri te rrethrrotullimi i Sanatoriumit; ????Rruga e Elbasanit, ????Bulevardi “Bajram Curri”; ????Rruga “Ali Shefqeti”; ????Rruga “Alajdin Frashëri”; ????Rruga e Rexhekrit; ????Rruga “Muhamet Deliu”, deri tek rrethrrotullimi i Freskut; ????Rruga “Sotir Çaci”; ????Rruga “Xhanfize Keko”; ????Rruga “Arkitekt Kasemi”; ????Bulevardi “Zhan D’Ark”; ????Bulevardi “Dëshmorët e Kombit”; ????Në brendësi të ish-Gardës së Republikës; ????Rruga pas Pallatit të Kulturës; ????Rruga “Dëshmorët e 4 Shkurtit”.
Drejtoria Vendore e Policisë Tiranë iu bën thirrje qytetarëve/drejtuesve të mjeteve, të tregojnë mirëkuptim dhe bashkëpunim, për zbatimin e këtyre kufizimeve që do të mundësojnë zhvillimin e garës në kushte optimale sigurie.
Mbarëvajtja e garës ndikon pozitivisht dhe në mënyrë të drejtpërdrejtë në imazhin e vendit.
