Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
AKTUALITET
10 të arrestuar nga operacioni "Rrjeti", Prokurori i çështjes dhe drejtues të strukturave të policisë Tiranë shkojnë në Kolumbi
PiranjatPërditësimi i fundit 3 Tetor 2025, 13:36
Operacioni policor i koduar “Rrjeti” ka çuar në arrestimin e 10 shtetasve të dyshuar për trafikim qeniesh njerëzore, gjatë një hetimi ndërkombëtar të koordinuar nga DVP Tiranë, Prokuroria dhe agjencitë ndërkombëtare si EUROPOL dhe EUROJUST.
Burime nga policia, bëjnë me dije se hetimi po zhvillohet edhe në Kolumbi, ku janë arrestuar të dyshuar për përfshirje në këtë aktivitet kriminal, ndërkohë në Kolumbi ndodhen Prokurori i çështjes dhe drejtues të strukturave hetimore të DVP Tiranë, të cilët po marrin pjesë në operacionin e përbashkët ndërkombëtar me homologët kolumbianë.
Njoftimi i policisë:
Tiranë/Vijon operacioni policor i koduar “Rrjeti”
Në vijim të njoftimit të dhënë më parë për zhvillimin dhe finalizimin e operacionit policor “Rrjeti”, të zhvilluar nga Seksioni për Hetimin e Trafiqeve të Paligjshme në DVP Tiranë, nën drejtimin e Prokurorisë dhe në bashkëpunim të ngushtë me Prokurorinë dhe Policinë Kombëtare të Kolumbisë, Policinë kroate, EUROPOL dhe EUROJUST, ju informojmë se:
Aktualisht, në Kolumbi ndodhen Prokurori i çështjes dhe drejtues të strukturave hetimore të DVP Tiranë, të cilët po marrin pjesë në operacionin e përbashkët ndërkombëtar me homologët kolumbianë.
Gjatë zhvillimit të operacionit në Kolumbi janë arrestuar 10 shtetas, të dyshuar për përfshirje në këtë veprimtari kriminale.
Operacioni u mundësua me mbështetjen e projektit EU4FAST (EU Support to Strengthen the Fight against Migrant Smuggling and Trafficking in Human Beings in the Western Balkans) dhe Western Balkans Criminal Justice (WBCrimJust), në bashkëpunim me EMPACT (European Multidisciplinary Platform Against Criminal Threats).
