Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
AKTUALITET
14-vjeçari që mbeti viktimë e sherrit mes adoleshentëve/ Ishte pjesë e Dinamo U-15, flet i prekur trajneri: Dje ishte në ndeshje, humbje e madhe për të gjithë ne
ZH.LLPërditësimi i fundit 18 Nëntor 2024, 21:13
trajneri
TIRANË- Vdekja e 14-vjeçarit Martin Cani, i cili mbeti viktimë i një sherri mes adoleshentësh mesditën e kësaj të hëne, ka tronditur klubin e tij sportiv me mosha të reja, Dinamo U-15. Shokët e tij të skuadrës, por edhe trajneri kanë mbetur të prekur nga kjo tragjedi. Trajneri i skuadrës, Egert Bakalli ka reaguar për Top Channel, teksa mes lotësh shprehet i prekur për humbjen tragjike të 14-vjeçarit.
I prekur, ai thotë se kjo është një humbje e madhe, teksa kujton se ditën e djeshme i mituri ishte në ndeshjen që zhvillonte skuadra. Mes dhimbjes, trajneri tregon momentin kur kishte marrë vesh për lajmi. Ai tregon se edhe djali tjetër Luisi, që ka mbetur i plagosur ishte pjesë e ekipit të tij, për të cilin uron të përmendet.
“Një humbje e madhe për familjen, për mua si trajner dhe për akademinë. Ka qenë një nga lojtarët…humori i ekipit, dhimbje e madhe për të gjithë ne, sidomos për familjen dhe ne akademikët, Dje i kisha në ndeshje këta çunat, humorista, ça të them, humbje e madhe.
Ne si mësues mundohemi ti edukojmë edhe në sport. Kishim lënë stërvitje sot nga liqeni, kur e mora vesh i mblodha djemtë te liqeni dhe u fola se ishin të traumatizuar. Jemi si ekip, Martini ishte si trajner i dytë për mua, Luisi djalë shumë i mirë. Ky ka marrë 4 plagë, po presim të përmendet, ndërsa Martinin e kanë çuar në morg. Ishin të dy lojtarë shumë të mirë, me sjellje të mira. Nuk e di si ka ndodhur, thonë që janë sharë ditën e premte dhe e kanë lënë të takohen të hënën”- u shpreh mes dhimbjes trajneri.
