Kongresmeni amerikan Jim McGovern ka reaguar me shqetësim për protestat në Shqipëri, duke i bërë thirrje qeverisë të nda...
AKTUALITET
47-vjeçari nga Kosova ngec në det, ndërhyn policia kufitare
PiranjatPërditësimi i fundit 23 Qershor 2026, 18:48
Policia Kufitare ka shpëtuar një 46-vjeçar nga Prishtina, i cili kishte mbetur në det pasi mjeti i tij lundrues pësoi defekt në motor.
Pas marrjes së njoftimit, u organizua një operacion kërkimi me mjetet e Policisë Kufitare dhe me ndihmën e operatorëve turistikë të zonës.
Skafi u lokalizua në lumin Buna, rreth 17 milje nga grykëderdhja, ndërsa drejtuesi i tij u gjet në gjendje të sigurt. Policia i dha ndihmën e nevojshme dhe e shoqëroi së bashku me mjetin lundrues drejt vendstacionimit në Pulaj të Velipojës.
Njoftimi:
Policia Kufitare i vjen në ndihmë një shtetasi që kishte mbetur në det për shkak të një defekti në mjetin lundrues dhe rrezikonte të mbytej.
Menjëherë pas marrjes së njoftimit për një mjet lundrues që kishte pësuar defekt dhe ndodhej në vështirësi në hapësirën ujore, shërbimet e Policisë Kufitare organizuan dhe zhvilluan operacionin për lokalizimin dhe dhënien e ndihmës.
Në operacion u angazhuan mjetet lundruese të Policisë Kufitare, si dhe operatorë turistikë të zonës, të cilët kontribuuan në kërkimin e mjetit, pasi fillimisht nuk dihej vendndodhja e tij.
Pas kërkimeve, shërbimet e Policisë Kufitare lokalizuan mjetin lundrues në thellësi të lumit Buna, rreth 17 milje nga grykëderdhja.
Nga verifikimet rezultoi se mjeti lundrues (skaf tip “Morea”) drejtohej nga shtetasi A. B., 46 vjeç, banues në Prishtinë, i cili kishte mbetur në det si pasojë e një defekti në motor. Shërbimet e Policisë Kufitare i dhanë ndihmën e nevojshme shtetasit dhe bënë të mundur shoqërimin e sigurt të tij dhe të mjetit lundrues drejt vendstacionimit të mjeteve lundruese në Pulaj, Velipojë.
Policia Kufitare vijon të jetë e angazhuar maksimalisht në shërbim të qytetarëve, vizitorëve dhe turistëve. Në këtë kuadër, ajo fton qytetarët që, në rast nevoje, të telefonojnë në numrin 112.
