Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
AKTUALITET
Aksident me vdekje në Berat/ Makina përplaset me mjetin bujqësor, humb jetën çifti i të moshuarve, plagoset vajza e tyre (EMRAT)
r.llPërditësimi i fundit 24 Shtator 2024, 08:34
foto ilustruese
BERAT- Një aksident i rëndë ka ndodhur mëngjesin e sotëm në Berat në vendin e quajtur “Rruga e drejtë e Kuçovës”. Sipas informacioneve një automjet është përplasur me mjetin bujqësor (frezë dore), në të cilin ndodhenin një çift të moshuarish dhe vajza e tyre.
Si pasojë e përplasjes kanë humbur jetën në vendngjarje çifti i të moshuarve, 81-vjeçari, Ahmet Kafazi dhe bashkëshortja e tij, 77-vjeçarja Salushe Kafazi, ndërsa e plagosur ka mbetur vajza e tyre, 58-vjeçarja Feruze Braushi. Kjo e fundit ndodhet në spital, jashtë rrezikut për jetën. Ndërkohë drejtuesi i mjetit tjetër është shoqëruar në komisariat.
NJOFTIMI I POLICISË:
Rreth orës 06:00, në vendin e quajtur “Rruga e drejtë e Kuçovës”, automjeti me drejtues shtetasin A. K. është përplasur me mjetin bujqësor (frezë dore), në të cilën ndodheshin drejtuesi, shtetasi A. K., 81 vjeç, bashkëshortja e tij shtetasja S. K., 77 vjeçe dhe vajza e tyre, shtetasja F. B., 58 vjeçe.
Si pasojë e aksidentit, drejtuesi i mjetit bujqësor, shtetasi A. K., dhe bashkëshortja e tij, shtetasja F. K., kanë humbur jetën në vendngjarje, ndërsa shtetasja F. B. ndodhet në spital, jashtë rrezikut për jetën.
Drejtuesi i automjetit është shoqëruar në Komisariat, për veprime të mëtejshme procedurale. Grupi hetimor ndodhet në vendngjarje dhe po punon për sqarimin e rrethanave dhe shkakut të aksidentit.
