Një zë i rëndësishëm në Kongresin e Shteteve të Bashkuara të Amerikës, republikania Alexandria Ocasio Cortez ka rea...
AKTUALITET
Aksidenti me 2 të vdekur në rrugën Tepelenë-Gjirokastër, arrestohet shoferi që drejtonte automjetin ushtarak
M.B.Përditësimi i fundit 18 Shkurt 2025, 10:27
GJIROKASTËR- Shoferi që drejtonte automjetin ushtarak që u përfshi në aksidentin tragjik ditën e djeshme në rrugën Tepelenë-Gjirokastër, ku mbetën të vrarë 2 persona, është arrestuar. Sipas policisë, në pranga ka rënë 54-vjeçari me iniciale B.Gj, banues në Tiranë.
Ai akuzohet për veprën penale “Shkelja e rregullave të qarkullimit rrugor”. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.
Njoftimi:
Drejtoria Vendore e Policisë Gjirokastër
Në vijim të informacionit paraprak të dhënë ditën e djeshme, për aksidentin e ndodhur në aksin rrugor “Gjirokastër-Tepelenë”, në vendin e quajtur “Kthesa e Viroit”, informojmë se në vijim të veprimeve hetimore, specialistët e Sektorit të Policisë Rrugore arrestuan në flagrancë shtetasin B. Gj., 54 vjeç, banues në Tiranë, për veprën penale “Shkelja e rregullave të qarkullimit rrugor”.
Specialistët për Hetimin e Krimeve të Komisariatit të Policisë Gjirokastër referuan materialet në Prokurori ku nisi procedimi penal për shtetasin K. Ç., 32 vjeç, banues në Gjirokastër, pasi i ka marrë një shumë parash një 34-vjeçari, nëpërmjet mashtrimit.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.
