Një tjetër eurodeputet i Parlamentit Europian ka reaguar i indinjuar ndaj dhunës së policisë me urdhër të kryeministrit...
AKTUALITET
Aksioni antidrogë në Elbasan/ 30 të arrestuarit transferohen drejt Tiranës, nën masa të forta sigurie
PiranjatPërditësimi i fundit 8 Shtator 2025, 17:59
Një operacion antidrogë u zhvilluar gjatë orëve të natës në qarkun e Elbasanit, ku u raportua se 30 persona janë vënë në pranga. Bëhet me dije se të arrestuarit janë nisur drejt Tiranës nën masa të forta sigurie.
Forca të shumta policie ushtruan kontrolle në disa banesa, ku u sekuestruar armë zjarri dhe sasi të konsiderueshme lënde narkotike. Aksioni blic është zhvilluar në qytetet si Prrenjas, Librazhd, Gramsh, Peqin, Cerrik, Belsh dhe Elbasan. Gjatë operacionit janë sekuestruar të paktën 3 armë zjarri kallashnikovë, pistoleta, dhe drogëra të ndryshme.
Sipas burimeve, në mesin e 40 të arrestuarve nuk rezulton asnjë nga emrat e personave që bëjnë pjesë në grupet e fuqishme të trafikut të drogës. Personat e rënë në pranga të moshës 22-56 vjeç mësohet se janë të gjithë janë shpërndarës të lëndëve narkotike në qarkun e Elbasanit. Njëri nga 30 personat e arrestuar në Elbasan gjatë operacionit anti-drogë në këtë qark, është ndjerë keq gjatë qëndrimit në ambientet e paraburgimit të Drejtorisë së Policisë Elbasan.
Identiteti i tij nuk dihet për momentin, por mësohet se i arrestuari në fjalë ka shfaqur shqetësime. Nuk dihet konkretisht se çfarë simptomash ka patur. Megjithatë, policia lajmëroi ambulancën për të shkuar në ambientet e drejtorisë. Prej andej u dërgua në spital nën shoqërinë e forcave policore.
Njërit prej tyre raportohet se iu është kapur 800 gram kokainë e pastër.
