Detaje të reja janë mësuar në lidhje me ngjarjen në Roskovec, ku Besmir Mustaj ka qëlluar me armë zjarri në portë...
AKTUALITET
Armik i Aldo Bares, këto janë pasuritë që iu konfiskuan Saimir Taullaut
PiranjatPërditësimi i fundit 23 Shkurt 2026, 20:25
Prokuroria e Fierit njoftoi të hënën më 23 shkurt konfiskimin e pasurive të Saimir Taullaut dhe personave të lidhur me të, bazuar në ligjin e vitit 2009 “Për parandalimin dhe goditjen e krimit të organizuar, trafikimit, korrupsionit dhe krimeve të tjera nëpërmjet masave parandaluese kundër pasurisë”, i njohur ndryshe dhe si ligji “Antimafia”.
Sipas prokurorisë, janë konfiskuar pasuritë që dyshohet se rrjedhin nga veprimtari kriminale. Konkretisht, janë konfiskuar një pikë shitjesh karburanti dhe ambiente shërbimi në një godinë dy katëshe në lagjen “18 Tetori” në qytetin e Lushnjë dhe truall + ndërtesë me vlerë 9.7 milionë lekë në të njëjtën lagje; godinë 5 kate dhe pikë shitjesh karburantesh me vlerë 22.3 milionë lekë dhe njësi shërbimi tre kate – shpikë shitjesh karburantesh në lagjen “Lori Dhamo” po në Lushnjë; godinë ekonomike – bodrum në Plug të Lushnjës, me vlerë 2.2 milionë lekë; tre apartamente me sipërfaqe totale 329 m2; si dhe dy parcela toke e llojit arë, me sipërfaqe të përgjithshme mbi 15 mijë m2.
Saimir Taullau ka qenë subjekt i Operacionit Forca e Ligjit pasi akuzohet se ka qenë i përfshirë në trafik droge jashtë vendit. Ai u ndalua në vitin 2015 dhe më vonë në Maqedoninë e Veriut në vitin 2020, me kërkesë të autoriteteve zivceriane. Në qytetin e Lushnjës, Taullau njihet si biznesmen. Ai u ka shpëtuar dy atentateve në vitet 2017 dhe 2018.
