Kryetari i Partisë Demokratike, Sali Berisha, ka folur për mediat para Kuvendit, ku ka kundërshtuar mënyrën se si, sipas tij, po proc...
AKTUALITET
Armiku i Aldo Bares/ Gjykata e Fierit konfiskon pasuritë e Saimir Taullaut dhe familjarëve të tij
PiranjatPërditësimi i fundit 19 Shkurt 2026, 19:02
Me kërkesë të Prokurorisë, gjykata e Fierit ka konfiskuar pasurite e biznesmenit Saimir Taullaut dhe familjarëve të tij. Me vendim të gjyqtarit Vladimir Cjapi, u vendos konfiskimi i pasurive te Taullait pas dyshimeve se rridhnin nga burime kriminale.
Taullau ka qenë i hetuar gjatë operacionit Forca e Ligjit, ku OFL e procedoi për pasuritë e pajustifikuara, që dyshohet se vijnë nga aktivitetet e paligjshme.
Sekuestrimi i pronave dhe bizneseve të Saimit Taullaut ka nisur vite më parë, ndërsa vetëm në maj të 2024 prokuroria e Fierit sekuestroi 3 apartamente në Tiranë, dy ara dhe një truall në Lushnjë. Në Lushnje, Taullau njihet si rivale e përbetuar e Aldo Bares. Saimir Taullau i shpëtoi një atentati në vitin 2018 rreth rrotullimi i Plugut, ndërsa vëllai i tij mbeti i vrarë nga banda e Bares.
Saimir Taullau është një emër i njohur për organet ligjzbatuese dhe shpesh është përmendur si kundërshtar i hapur i grupit kriminal të drejtuar nga Aldo Bare në Lushnjë.
Familja Taullau ka pasur një konflikt të gjatë me këtë bandë, konflikt që kulmoi me vrasjen e vëllait të tij.
Në vitin 2005, Baki Taullau u ekzekutua me armë zjarri, ngjarje për të cilën familjarët kanë akuzuar anëtarë të bandës së Aldo Bares si përgjegjës. Vrasja e tij shënoi një nga episodet më të rënda të përplasjes mes dy palëve në atë periudhë.
