Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
AKTUALITET
Arrestohet efektivi i Repartit të Sigurisë në Tiranë për dy akuza
PiranjatPërditësimi i fundit 30 Tetor 2025, 19:58
Agjencia e Mbikëqyrjes Policore ka arrestuar në flagrancë efektivin e policisë I. Q., me detyrë Trupë Shërbimi në Repartin e Sigurisë dhe Ceremonialit, pasi drejtonte automjetin në gjendje të dehur.
Gjatë drejtimit, ai ka goditur një tjetër automjet, duke shkaktuar dëmtimin e shtetases P. K., e cila ndodhet jashtë rrezikut për jetën. Testi i alkoolit rezultoi pozitiv në masën 0.94 mg/l, ndërsa materialet iu referuan Prokurorisë së Tiranës.
Njoftimi:
Agjencia e Mbikëqyrjes Policore ( Sektori i Mbikëqyrjes për Strukturat e Veçanta në Drejtorinë e Hetimit) ka arrestuar në flagrancë punonjësin e policisë I. Q., me detyrë Trupë Shërbimi në Repartin e Sigurisë dhe Ceremonialit, i dyshuar për kryerjen e veprës penale “Drejtim i automjeteve në mënyrë të parregullt” parashikuar në nenin 291 të Kodit Penal.
Arrestimi i tij u krye pasi gjatë drejtimit të automjetit, ka goditur nga pas një automjet tjetër, ku për pasojë është dëmtuar shtetasja P. K., e cila është dërguar për ndihmë mjekësore në Spitalin e Traumës dhe ndodhet jashtë rrezikut për jetën.
Nga verifikimi me testin matës së alkoolit ka rezultuar pozitiv në masën 0.94 mg/l.
Materialet proceduriale u referuan në Prokurorinë Pranë Gjykatës së Shkallës së Parë të Juridiksionit të Përgjithshëm Tiranë.
