Dashi
Përpiquni të shmangni polemikat dhe diskutimet. Edhe me fjalë nëse është e mundur thoni se jeni të disponueshëm p...
AKTUALITET
ARRSH: Do të bllokohet dalja Tiranë-Rinas, oraret dhe datat!
PiranjatPërditësimi i fundit 12 Janar 2026, 14:27
Autoriteti Rrugor Shqiptar (ARRSH) ka njoftuar se gjatë datave 13 dhe 14 janar 2026 do të ketë bllokime të përkohshme në aksin që lidh Tiranën me Aeroportin Ndërkombëtar “Nënë Tereza”, për shkak të punimeve që po kryhen për ndërtimin e mbikalimit të ri në zonën e Qafë Kasharit.
Sipas njoftimit zyrtar, rruga që të çon nga autostrada e Tiranës në drejtim të Rinasit do të jetë e mbyllur për qarkullim gjatë orëve të natës, konkretisht nga ora 20:00 deri në orën 06:00 të mëngjesit, në intervalin kohor 13–14 janar 2026. Bllokimi vjen si pasojë e punimeve intensive që po zhvillohen për realizimin e mbikalimit të ri, një investim që synon të përmirësojë ndjeshëm qarkullimin dhe sigurinë rrugore në këtë nyje të rëndësishme.
Gjatë këtij intervali, mjetet që udhëtojnë drejt Aeroportit të Rinasit do të devijohen në rrugë alternative, të cilat janë: • Aksi Vorë – Fushë Krujë (kthesa e Rinasit) • Rruga dytësore • Aksi Tiranë – Kamëz – Valias – Rinas • Rruga Kashar – Thumanë, e ndërtuar nga koncesionari
ARRSH u bën thirrje të gjithë drejtuesve të mjeteve që të tregojnë kujdes të shtuar, të respektojnë sinjalistikën provizore të vendosur në terren dhe të planifikojnë udhëtimet e tyre në kohë, në mënyrë që të shmangen vonesat, veçanërisht për pasagjerët që kanë fluturime gjatë orëve të natës ose në orët e para të mëngjesit.
Autoritetet theksojnë se këto punime janë të domosdoshme për përmirësimin e infrastrukturës dhe rritjen e sigurisë në një nga pikat më të frekuentuara të hyrje-daljes nga kryeqyteti drejt aeroportit.
