Deputeti i Partia Demokratike Arian Ndoja ka qenë i ftuar në emisionin e mëngjesit ‘Kafe Shqeto’ në Syri tv.
Gjatë bised...
AKTUALITET
Aurela Gaçe reagon për ngjarjet në Zvërnec: Është shumë e dhimbshme të të ikë shpresa
PiranjatPërditësimi i fundit 31 Maj 2026, 12:42
Këngëtarja Aurela Gaçe ka reaguar publikisht lidhur me debatet dhe ngjarjet e fundit në Zvërnec, duke ngritur shqetësime për të ardhmen e vendit, largimin e të rinjve dhe mbrojtjen e pasurive natyrore.
Përmes një postimi në rrjetet sociale, artistja shprehet se prej kohësh e mundon pyetja se çfarë e shtyn një numër kaq të madh shqiptarësh të largohen nga vendi dhe çfarë perspektive do të kenë brezat e ardhshëm.
“Përse ikin? Përse të gjithë kërkojnë shpëtim? Shpëtim nga kush? Nga çfarë?”, shkruan Gaçe, duke theksuar se si familjet e pasura ashtu edhe ato me më pak mundësi ekonomike kërkojnë të ardhmen e fëmijëve të tyre jashtë Shqipërisë.
Duke iu referuar situatës në Zvërnec, ajo shprehet e tronditur nga pamjet e publikuara dhe ngre pyetje mbi mënyrën se si duhet të zhvillohet vendi, pa cenuar trashëgiminë, natyrën dhe historinë e tij.
“Unë jam për zhvillim, si çdokush nga ne. Por si do ecim përpara? Si do ta bëjmë këtë vend?”, pyet artistja.
Aurela Gaçe kujton gjithashtu qëndrimin e saj kundër shembjes së Teatrit Kombëtar, duke theksuar se zhvillimi duhet të ndërtohet mbi kujtesën, historinë dhe vlerat ekzistuese, e jo duke i zhdukur ato.
Në fund të reagimit, këngëtarja shpreh shqetësimin për humbjen e shpresës tek qytetarët dhe pyet nëse zëri i tyre dëgjohet dhe nëse ata janë në gjendje të mbrojnë veten, pronën dhe të ardhmen e fëmijëve të tyre.
“Është shumë e dhimbshme të të ikë shpresa”, përfundon ajo.
