Ambasadori i Gjermanisë në Shqipëri, Karl Bergner i kujton kryeministrit Rama se në rrugën për integrimin në B...
AKTUALITET
Avokati i Ergys Agasit: Nuk e njeh fare personin që është marrë peng! Ja ku ndodhet klienti im
PiranjatPërditësimi i fundit 23 Dhjetor 2025, 12:37
Ergys Agasi, për të cilën SPAK thotë është pjesë e grupit të strukturuar kriminal në AKSHI dhe më masë sigurie “arrest në burg” ndodhet jashtë shtetit për kontrata biznesi.
Avokati i tij, Maks Haxhia deklaroi para SPAK se klienti i tij nuk ka asnjë lidhje me tenderat apo akuzat e Prokurorisë së Posaçme.
“Për t’i thënë prokurorisë se para se t’ia japë medias, t’ia japë personit në hetim dhe avokatit, që ti tregojmë ne opinionit publik që është mbarsur me një gjueti shtrigash dhe në një moment që po shfrytëzohet nga politika duke e paraqitur Agasin si kryeministër në hijë gjë që nuk është aspak e vërtetë.
Zoti Agasi nuk është ndonjë person i punësuar në shtet, ai është një person që ushtron veprimtari biznesi. Me aq sa e njoh unë nuk ka në kodin penal që duhet të akuzohesh për iniciativën e lirë.
Agasi nuk ka asnjë aplikim në tenderat e AKSHI-t. Ai nuk e ka në objektin e veprimtarisë së tij. Agasi nuk ka përfituar asnjë tender nga financat e buxhetit. Nuk ka asnjë veprimtari të paligjshme.
Sa i takon filmimeve, atje është një instrument sigurie, pasi Agasit i është tentuar di vidhet biznesi.
Klienti im nuk është larguar, ai është jashtë shtetit për të lidhur një marrëveshje.
Kur të kthehet do të mbajë qëndrimin e vet.
SPAK nxjerrjen e këtyre të dhënave e komprompeton.
Nuk e njeh fare personin që është marrë peng”, tha avokati Maks Haxhia.
