Kreu i degës së Partisë Demokratike në Krujë, Aulon Kalaja, ka denoncuar publikisht presione të dyshuara të policisë n...
AKTUALITET
GJKKO ‘zhbllokon’ SPAK për dosjen Balluku, aprovon kqyrjen e celularëve e kompjuterave, në sitë biznesmenë. 5-fishohen agjentët në hetime
PiranjatPërditësimi i fundit 23 Mars 2026, 14:03
Gjyqtari i GJKKO-së Erion Çela ka aprovuar kërkesën e SPAK për të kqyrur aparatet celulare të dy ish-drejtorëve të Belinda Ballukut, Erald Elezi dhe Gentian Gjyli, veprime që kishin mbetur pezull për shkak të shqyrtimit të kërkesës në Gjykatën Kushtetuese, për pezullimin e masës së pezullimit nga detyra të ish-numrit dy të qeverisë.
Sipas parashikimeve ligjore, pasi Kushtetuesja aprovoi kërkesën e SPAK për pezullimin nga detyra, që të kqyreshin provat, duhej autorizimi I GJJKO që e dha së fundmi gjyqtari Çela.
Gjatë operacionit për kontrolle dhe ekzekutimin e masave të sigurisë dhe gjatë fazës së hetimeve, SPAK ka sekuestruar disa pajisje telefonike dhe kompjuterike, që tashmë pritet të kryren për të konstatuar nëse ka ose jo komunikime që implikojnë në shkelje ligjore zyrtarët shtetëror. Pjesë e këtyre veprimeve janë edhe disa biznesmenë të cilët kanë qenë subjekt I hetimeve të Prokurorisë së Posaçme.
Ndërkohë, burime pranë kësaj të fundit, bëjnë me dije se nga dy agjent të Byrosë Kombëtare të Hetimeve, krahë prokurorëve Klodian Braho, Dorina Bejko e Dritan Prençi, janë angazhuar të paktën 10 oficerë që po kryejnë veprime instensive hetimore qoftë mbi materiale që janë sekuestruar apo siguruar deri tani për llogari të hetimeve, por edhe mbi të dhëna të tjera që kanë dalë gjatë rrugës.
Por deri tani konfirmojnë të njëjtat burime, nuk ka zyrtarisht rëndim akuze për ish-numrin dy të qeverisë Belinda Balluku, vartësit e saj apo biznesmenët që janë subjekte të hetimit.
Balluku akuzohet për shkelje të barazisë në tendera për tunelin e Llogarasë, dhe 7 lotet e Unazës së Madhe të Tiranës. Ndërsa po hetohet edhe për procedura të tjera kryesisht infrastrukturore përfshrië rrugën Kashar-Thumanë.
SPAK tha në Kuvend se Balluku rrezikon 35 vite burg, por deputetët e majtë refuzuan kërkesën e Prokurorisë për ti hapur rrugë arrestimit
