Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
AKTUALITET
Bënë ‘kërdinë’ me vjedhje, arrestohen dy shqiptarë në Greqi, vodhën edhe armën e policit
E.DPërditësimi i fundit 21 Dhjetor 2024, 12:23
GREQI- Dy shqiptarë janë arrestuar në periferinë veriore të Athinës, pasi vishnin banesa. Siç raportohet dy shqiptarët, të moshës 29 dhe 52 vjeç, operonin të paktën që prej muajit shtator. Gjithashtu ata kishin marrë me qira automjete dhe kanë thyer dyert qendrore të shtëpive kryesisht duke përdorur çelësa “passepartout”. Të dyshuarit zgjodhën të grabisnin shtëpitë që kishin synuar, duke lëvizur kryesisht në këmbë, duke shpërndarë fletëpalosje reklamuese, për të mos ngjallur dyshime te banorët.
Më pas, i kanë rënë zileve për të konstatuar nëse kanë munguar banorët, ndërsa kanë kryer vjedhje në pallatet fqinje si dhe në banesa të ndryshme të së njëjtit pallat. Për të vështirësuar identifikimin e tyre, ata përdorën një sërë mjetesh “biznesi” të marra me qira. Madje, ndër të tjera kanë hequr edhe çelësa nga pjesa e brendshme e shtëpive, për të krijuar një “bazë” që do të lehtësonte thyerjen e dyerve në të ardhmen.
Po ashtu ata kanë përdorur një aplikacion të koduar mesazhesh për të komunikuar me njëri-tjetrin. Sipas informacioneve, në fund të shtatorit, viktimë e këtyre hajdutëve kishte rënë edhe një punonjës policie. Konkretisht, pasi kanë hyrë në shtëpinë e tij në Halandri, kanë kontrolluar të gjitha ambientet dhe kanë marrë bizhuteritë që kanë gjetur, si dhe armën e shërbimit.
Në total janë zbuluar 14 raste vjedhjesh në shtëpi në Holargo, Papagou, Neo Psihiko, Agia Paraskevi, Halandri dhe Ampelokipi, ndërkohë që përfitimi financiar total nga aktiviteti i tyre kriminal e kalon shumën monetare prej 195 mijë euro. Nga kontrollet e kryera në banesat e tyre, janë gjetur dhe sekuestruar 58 mijë e 150 euro, 8 mijë e 550 dollarë, shumëllojshmëri bizhuterish, ora, syze dielli dhe çanta, shumë mjete dhe çelësa hajdutësh, pistoletë ajrore, 2 thika, veshjet e përdorura gjatë kryerjes së vjedhjeve dhe telefona celularë.
