Ashtu siç pritej, me të mbërritur te kryeministria, ka nisur përplasja mes policisë dhe protestuesve.
Kanë qenë kë...
AKTUALITET
Bllokohet trafiku tek Unaza e Madhe, drejtuesit e automjeteve në tension
PiranjatPërditësimi i fundit 21 Janar 2026, 08:49
Unaza e Madhe e Tiranës është përfshirë nga një bllokim masiv i trafikut, duke shkaktuar formimin e kolonave kilometrike dhe vështirësi të mëdha për qarkullimin e automjeteve. Situata ka degraduar më tej pas ngarkesës së rrugëve dytësore që çojnë drejt Astirit, duke bërë që drejtuesit e mjeteve të përballen me vonesa të konsiderueshme.
Pjesa më problematike e trafikut është regjistruar në hyrjen nga Pallati me Shigjeta dhe në rrugën që lidh këtë zonë me Astirin.
Kolonat e automjeteve kanë ngadalësuar shumë lëvizjen, ndërkohë që kjo ka shkaktuar një presion të madh në rrugët kryesore të qytetit.
Trafiku i rënduar ka sjellë bllokim të plotë të disa akseve të rëndësishme, duke përfshirë hyrjet e Unazës së Madhe dhe rrugën që çon në Astir, një nga zonat më të frekuentuara të kryeqytetit.
Automjetet janë të ngujuara në trafik për orë të tëra, duke rritur stresin për qytetarët që përpiqen të arrijnë destinacionet e tyre.
Rrugët dytësore përshkojnë ngarkesë të madhe, veçanërisht ato që lidhin Astirin me zona të tjera të Tiranës, duke e bërë udhëtimin të vështirë.
