Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
AKTUALITET
Bregdeti i Vlorës/ 3.2 milionë euro për kanalizimet e ujërave të ndotur nga Lungomare në Radhimë
n.fPërditësimi i fundit 21 Nëntor 2024, 08:27
Foto ilustruese
VLORË- Të paktën 5 mijë shtëpi dhe njësi që ndodhen përgjatë bregdetit të Vlorës nga Lungomare në Radhimë do të futen në sistemin e kanalizimeve të ujërave të ndotura. Një kontratë e ujësjellësit të Vlorës me një vlerë 324 milionë lekë apo 3.2 milionë euro synon që të sistemojë këtë pjesë të ujërave të përdorura, në një prej zonave turistike më të frekuentuar në vend.
Referuar dokumenteve që shoqëronin procedurën, për të cilin tashmë është shpallur fituesi kompania 2T e cila ka një afat 8 mujor për realizimin e detyrimeve të kontratës, investimi pritet të përfshijë një pjesë të mirë të bregdetit që ka ndërtime intensive.
Sipas raportit teknik studim projektim i rrjetit të kanalizimeve të ujërave të ndotura nga Lungomare deri në Radhimë të qytetit të Vlorës ka për qëllim hartimin e projekt zbatimit të rrjetit të Kanalizimeve në Zonën nga pika e Karburantit Kastrati deri tek ura në Radhimë dhe rrjeti shpërndarës në këtë zonë dhe në zonat e pambuluara me këtë rrjet në zona te ndryshme në qytetin e Vlorës me shkarkimin në ITUN (impianti) Vlorë.
“Zona e projektit shtrihet në reliev kryesisht malor. E gjithë zona shtrihet përgjatë detit Adriatik ne gjirin e Vlorës, rrëzë vargmaleve të Vlorës. E pozicionuar në të dy anët e rrugës nacionale Vlorë-Orikum, zona ka në shtrirje prej 12 km ne aksin veri – jug dhe 200 – 600 metra ne aksin lindje – perëndim.
Nga investigimi ne terren u konstatuan se një pjesë e ndërtesave në lagjen informale nuk është e lidhur me rrjetin. Arsyet pse këto konsumatorë nuk janë lidhur ishin të ndryshme, por kryesisht pozicionimi nën kuotë i objektit apo refuzimi i konsumatorëve për të kryer lidhjen në mënyrë individuale.
Gjithsesi lind nevoja edhe për tu plotësuar rrjeti ekzistues me disa linja të cilat nuk kanë linja ekzistuese” thuhet në dokumentin e procedurës. Ky projekt është investim i Ujësjellës Kanalizime Vlorë financuar si garant nga Agjencia Kombëtare e Ujësjellës Kanalizimeve./ Monitor
