Një tjetër eurodeputet i Parlamentit Europian ka reaguar i indinjuar ndaj dhunës së policisë me urdhër të kryeministrit...
AKTUALITET
Del FOTOJA/ U ekstradua nga Milano, ky është Bujar Shega, “koka financiare” e bandës së Suel Çelës
E.DPërditësimi i fundit 3 Prill 2025, 13:46
TIRANË- Personi që shikoni në fotën e mësipërme është e Bujar Shega, 52-vjeçarit që u ekstradua sot nga Milano, i akuzuar nga GjKKO, për trafikim të lëndëve narkotike dhe pastrim të parave, kryer në kuadër të grupit të strukturuar kriminal.
Bujar Shega, njihet si krahu i djathtë i Suel Çelës në Elbasan. Shega fillimisht është arrestuar në Itali në muajin nëntor të vitit të kaluar me urdhër të GJKKO, pasi SPAK e kërkon për disa vepra penale.
Bujar Shega është vendosur në masën e sigurisë 'Arrest me burg' për disa vepra penale të cilat janë “Trafikimi i lëndëve narkotike”, “Pastrimi i produkteve të veprës penale" dhe "Grup i Strukturuar Kriminal".
“Trafikimi i narkotikëve”, kryer në formën e bashkëpunimit në një grup të strukturuar kriminal, për të cilin është parashikuar dënimi sipas nenit 283/a/1, 28/4 dhe 334 të Kodeksit Penal. Ky fakt penal është verifikuar më 13 dhjetor 2020, kur është sekuestruar një sasi prej 930 kilogramësh kokainë në Ekuador;
“Grupi i strukturuar kriminal”, sipas nenit 333/a/1 të Kodeksit Penal;
“Pastrimi i produkteve të veprës penale ose veprimtarisë kriminale”, parashikuar nga neni 287/1, shkronjat “a” dhe “b” të Kodeksit Penal.
