Një zë i rëndësishëm në Kongresin e Shteteve të Bashkuara të Amerikës, republikania Alexandria Ocasio Cortez ka rea...
AKTUALITET
DETAJE/ Masakroi burrin me sëpatë, 49-vjeçarja pranon krimin dhe rrëfen se ka tentuar edhe më parë ta vriste! Kryeplaku i fshatit: Elvira ishte e sëmurë me epilepsi
ZH.LLPërditësimi i fundit 25 Dhjetor 2024, 13:11
banesa
SARANDË- Detaje të reja janë mësuar nga ngjarja e rëndë e ndodhur një ditë më parë në fshatin Metoq në Sarandë ku gruaja vrau me sëpatë burrin. Mesohet se 49-vjeçarja, Elvira Tahiraj, ka pranuar krimin teksa ka dëshmuar në polici por nuk ka dhënë më shumë detaje në lidhje me deklaratën.
Madje ajo ka dëshmuar para autoriteteve se kishte tentuar edhe një herë për ta vrarë, teksa nuk ka dhënë më shumë detaje se pse e ka kryer krimin. Vajza e çiftit ka qenë ajo që ka gjetur të atin pa jetë rreth orës 08:00 të mengjesit, e cila duke kërkuar nënë e ka gjetur në derën e jashtmë të shtëpisë dhe më pas ka lajmëruar motrën e saj për ngjarjen.
Gjithashtu fqinji i çiftit, një 49-vjeçar kishte parë 49-vjeçaren rreth orës 04:00 të mëngjesit që rrinte jashtë te dera. Ai shprehet ishte habitur në atë moment por nuk e kishte idenë se çfarë mund të kishte ndodhur.
“Unë u ngrita për të shkuar tek shtëpia e babait tim që ishte i sëmurë dhe e pashë atë që rrinte tek dera dhe nuk reagoi fare kur kalova. U habita po nuk më shkoi në mend se çfarë mund të kish ndodhur”, u shpreh ai.
Kryeplaku i fshatit të Metoqit, në një intervistë për emisionin “Me zemër të hapur” të moderatores Evis Ahmeti, në News24, deklaroi se i ati e kishte dërguar vajzën e vogël të flinte tek e motra pasi shëndeti i së ëmës ishte përkeqësuar. Viktima i kishte thënë të bijës se do të kujdesej ai për të gjatë natës.
Kryeplaku thotë se Elvira ishte e sëmurë me epilepsi dhe nuk dilte jashtë. Ai tha se lajmin e kshtë marrë nga dhëndri i çiftit, teksa tregon se vajzës i ka rënë të fikët dhe e kanë çuar në spital. Ndërsa për viktimën, kryeplaku i fshatit thotë se ai ishte shumë punëtor dhe bëntë 2-3 punë për të rritur vajzat.
“Elvira ishte e sëmurë me epilepsi dhe nuk dilte shumë jashtë. Për lajmin më njoftoi dhëndri i çiftit, më mori në telefon në orën 08:30. Ishte vajza ajo që gjeti trupin e pajetë, pasi kishte shkuar të flinte nga e motra, gjë që e bënte sa herë shëndeti i së ëmës përkeqësohej. Ishte ajo që ka gjetur edhe babanë rreth orës 08:00- 08:30 të mëngjesit. Vajzës i ka rënë të fikët dhe e kanë çuar menjëherë në spital. Llazari ishte shumë punëtor, punonte në 2-3 punë për të rritur vajzat”, tregoi ai.
