Një zë i rëndësishëm në Kongresin e Shteteve të Bashkuara të Amerikës, republikania Alexandria Ocasio Cortez ka rea...
AKTUALITET
Dhunuan punonjësin e pastrimit, arrestohen 2 persona! Policia zbardh ngjarjen e Vlorës
PiranjatPërditësimi i fundit 9 Tetor 2025, 21:43
Një ngjarje e rëndë ndodhi sot në qytetin e Vlorës, ku Kozma Kukli, punonjës i pastrimit është dhunuar barbarisht nga dy persona përballë tregut të Çoles. I moshuari ka mbetur i plagosur dhe aktualisht ndodhet në gjendje të rëndë shëndetësore në spitalin rajonal të Vlorës.
Policia ka arrestuar lidhur me ngjarjen: E. S., 37 vjeç dhe K. N., 30 vjeç.
Njoftimi i policisë:
Dhunuan me sende të forta një 61-vjeçar, për motive të dobëta, ndalohen 2 autorët e dyshuar, me precedentë të mëparshëm kriminalë. Shërbimet e Komisariatit të Policisë Vlorë, pas marrjes së njoftimit se në vendin e quajtur “Tregu i Çoles”, në lagjen “Bashkimi”, një shtetas ishte dhunuar fizikisht, organizuan punën për identifikimin dhe kapjen e autorëve.
Si rezultat i veprimeve të shpejta hetimore dhe kqyrjes së pamjeve filmike, u bë e mundur kapja dhe ndalimi i shtetasve:
E. S., 37 vjeç, banues në Vlorë, i dënuar më parë për “Plagosje e rëndë me dashje”, kryer me armë zjarri;
K. N., 30 vjeç, banues në Vlorë, i dënuar më parë për “Prodhim dhe shitje e narkotikëve”.
Këta shtetas, në bashkëpunim me njëri-tjetrin, për motive të dobëta, kanë dhunuar fizikisht me sende të forta shtetasin K. K., 61 vjeç, banues në Vlorë, i cili aktualisht ndodhet i shtruar në repartin e Reanimacionit të Spitalit Rajonal Vlorë.
Materialet iu referuan Prokurorisë, për veprën penale "Plagosja e rëndë me dashje” e kryer në bashkëpunim.
