Një zë i rëndësishëm në Kongresin e Shteteve të Bashkuara të Amerikës, republikania Alexandria Ocasio Cortez ka rea...
AKTUALITET
"Distancohem nga çdo bisedë e kolegut Hoxha me persona të tretë", Flamur Vezaj: Nuk kam marrë kurrë përfitime gjatë punës sime! Të dyshuarit i kam denoncuar në shkrimet dhe daljet e mia
n.fPërditësimi i fundit 28 Nëntor 2024, 22:08
Flamur Vezaj
TIRAN- Gazetari i njohur i kronikës, Flamur Vezaj përmes një postimi në llogarinë e tij në "Facebook" ka reaguar pas përmendjes së emrit të tij në një vendim gjykate. Vezaj shkruan se është një reagim i detyruar për shkak të disa bisedave që lidhen me emrin e tij. Ai shkruan se reagimi i tij është për të sqaruar publikisht si dhe të distancohet nga çdo deklarim apo bisedë e kolegut të tij Artan Hoxha me persona të tretë, ku përmendet emri i tij.
Gazetari thekson se në asnjë rast nuk ka zhvilluar biseda me kolegun Hoxha lidhur me rastin në fjalë apo për çështje të tjera të përmendura në vendimin e gjykatës. Ai gjithashtu tha se nuk ka takuar asnjëherë personalisht individët që përmenden në komunikimet mes Hoxhës dhe palëve të treta.
Vezaj shton se nuk ka marrë kurrë përfitime apo favore gjatë punës për ndonjë qëllim të caktuar nga Hoxha, individët e përmendur në vendimin e gjykatës. Më tej gazetari shkruan se puna e tij si edhe e kolegëve të ndershëm e dinjitozë në tregun mediatik shqiptar, është lehtësisht e verifikueshme në këtë epokë digjitale. Në fund të reagimit Vezaj shkruan se ka shkruar dhe denoncuar të dyshuarit gjatë daljeve të tij publike.
Përshëndetje miq! Ky është një reagim i detyruar për shkak të disa bisedave/thashethemeve që lidhen me emrin tim, të përmendura në një vendim gjykate. Dua të sqaroj publikisht dhe të distancohem me forcë nga çdo deklarim apo bisedë e kolegut Artan Hoxha me persona të tretë, ku përmendet emri im. Në asnjë rast, dhe aq më pak në datat e pretenduara në vendimin e gjykatës (1 ose 2 tetor 2020), nuk kam zhvilluar biseda me kolegun Hoxha lidhur me rastin në fjalë apo për çështje të tjera të përmendura në vendimin e gjykatës.
Theksoj me përgjegjësi se: • Nuk kam pasur kurrë ndonjë ndërhyrje nga kolegu Hoxha për të shkruar ose mos shkruar, për të folur ose mos folur, për individë të përmendur në këtë dosje apo të tjerë të ngjashëm. • Nuk kam takuar asnjëherë personalisht individët që përmenden në komunikimet mes kolegut Hoxha dhe palëve të treta. • Nuk kam marrë kurrë përfitime apo favore gjatë punës sime për ndonjë qëllim të caktuar nga kolegu Hoxha, individët e përmendur në vendimin e gjykatës apo të tjerë të ngjashëm me ta. Puna ime, si dhe e kolegëve të ndershëm e dinjitozë në tregun mediatik shqiptar, është lehtësisht e verifikueshme në këtë epokë digjitale. Çdo gjë është publike dhe online.
Përsa i përket të dyshuarve, për të cilët kam denoncuar më parë në emisionin Opinion (më 21 shtator 2020), si dhe për të gjitha shkrimet dhe daljet e mia publike lidhur me denoncimet për dosjen e “Toyota Yaris,” Eldi Dizdarin, Suel Çelën dhe bandën e tij, “Torin,” “Lushnjarin” ose Mentor Mezinin alias Hektor Mezinin (që vazhdon investimet “strategjike” në jug dhe SPAK bënë sehir) dhe shumë personazh të tjerë, thuajse çdo ditë, mund ti gjeni të gjitha materialet në Google dhe YouTube. Mjafton një kërkim me fjalë kyçe, dhe çdo deklaratë e imja është e dokumentuar. Gjithashtu, theksoj se unë kam vazhduar të shkruaj, flas e denoncoi këta individë edhe pas BISEDAVE të pretenduara mes kolegut Hoxha dhe individëve të tjerë të përmendur në dosjen e SPAK-ut, të përpiluar në emër të dyshimit nga Altin Dumani. Falenderoj çdo lexues dhe mbështetës për mirëkuptimin dhe vëmendjen! Misioni vazhdon Gëzuar ditën e pavarësisë dhe ditën e falenderimeve
