Një ngjarje e rëndë dyshohet se ka ndodhur sot në Tropojë, ku sipas informacioneve, katër punonjës të Bashkisë Tr...
AKTUALITET
Dosja e SPAK/ 'Kiçi' i Elbasanit, Oklid Aliu mes trafikut të kokainës e dyshimit për vrasjen e Edmond Mëhallës
PiranjatPërditësimi i fundit 22 Qershor 2026, 20:42
Janë zbuluar detaje të reja nga dosja hetimore e SPAK, ku u goditën “lordët” shqiptarë të trafikut të kokainës nga vendet e Amerikës Latine në drejtim të vendeve të Bashkimit Europian.
Mes 9 personave që SPAK ka shpallur në kërkim është dhe Oklid Aliu ose siç njihet në Elbasan, me emrin Arab, Oklid El Ouejdi. Të gjithë në Elbasan e thërrasin dhe e njohin si Kiçi i Elbasanit dhe është nipi i Isa Aliut dhe Salvatore alias Shpëtim Aliu.
Emri i Oklid Aliut, nuk është i panjohur nga policia e Elbasanit, pasi ai dyshohet se së bashku me persona të tjerë si Armando Kola, Nevzat Spaho, dhe Marselo Arani, kanë organizuar dhe vrarë, Edmond Mëhallën, ngjarje kjo e ndodhur në 30 Nëntor 2025.
Por teksa hetimet për këtë vrasje, kanë ngecur për ta lokalizuar dhe ndaluar, pak ditë më parë prokurorët e SPAK, Doloreza Musabelliu dhe Klodian Braho, lëshuar 10 masa “arresti me burg” ndaj 10 personave mes të cilëve dhe “Kiçin” e Elbasanit, Oklid Aliu, duke e akuzuar për “Trafik droge”, “Grup i strukturuar kriminal” dhe Kryerja e veprave penale në kuadër të “Grupit të Strukturuar kriminal”.
Tashmë Oklid Aliu, është shpallur në kërkim së bashku me miqtë e tij Isa dhe Shpëtim Aliu, si pjesë e grupit të drogës që drejtohej nga Eldi Dizdari alias Matoshi dhe Dritan Gjika.
Sipas hetuesve, Salvator Aliu, Eldi Dizdari dhe Dritan Gjika janë personat kryesorë në grupin kriminal që trafikuan tonelata drogë. Ndërsa i hetuari, Oklid El Ouejdi, sipas dosjes hetimore është personi përgjegjës për pritjen, e më pas shpërndarjen e ngarkesave me kokainë në Evrope, të dërguar Ekuadori.
Kokaina e ardhur në Evropë, magazinohej në Belgjikë nga El Ouejdi, në shtëpi të sigurta, e më pas përpunohej e shpërndahej në vende të tjera të Evropës, si: Gjermani, Itali, Francë, Zvicër apo Angli.
Kokaina trafikohej e fshehur në automjete te modifikuara dhe pritej në këto vende nga anëtarë të tjerë të grupit kriminal.
Nisur nga komunikimet e të hetuarit El Ouejdit dhe pohimet e tij, rezulton se i hetuari El Ouejdi ka shitur deri në 30 - 40 kilogram kokainë në ditë, me dërgesa nga Belgjika e Holanda drejt Francës, Zvicrës, Gjermanisë, Italisë, Greqisë, Spanjës (ku e shkëmben me Canabis Sativa), Shqipërisë, Turqisë (ku e shkëmben me heroinë), apo edhe në Norvegji.
Shtetasi Naldi Yzeiraj, përveç fakteve të përmendura më sipër, në lidhje me rolin e tij për dërgimin e ngarkesave nga Ekuadori drejt porteve të Evropës, ashtu sikundër dhe Oklid El Ouejd kishte rolin e porositësit për llogari të vet.
Ndërkohë qysh prej muajit Janar 2018, Oklid El Ouejdi, ka regjistruar si biznes në Elbasan një pikë Import-Eksport dhe tregtim të automjeteve dhe dhënies me qira. Sipas verifikimeve ky biznes quhet auto “SOLEIL”.
