Një raport i ri ndërkombëtar mbi shtetin e së drejtës, i publikuar nga World Justice Project (WJP), e rendit Shqipërinë n&e...
AKTUALITET
Drejtoria e Tatimeve: Shtyhet për nesër afati i fundit për dorëzimin e DIVA 2024 dhe Deklaratës së Tatimit mbi Fitimit
r.llPërditësimi i fundit 31 Mars 2025, 17:09
foto ilustruese
TIRANË- Drejtoria e Përgjithshme e Tatimeve ka bërë me dije se dita e nesërme është afati i fundit për të dorëzuar formularin me deklarimin e të ardhurave në Drejtorinë e Tatimeve.
Dita e sotme ishte afati i fundit, por duke qenë se sot është pushim zyrtar për shkak të festës së Fitër Bajramit, Administrata Tatimore njoftoi shtyrjen e afatit.
"Meqënëse sot, datë 31 mars 2025, është pushim zyrtar për shkak të festës së Fitër Bajramit, Administrata Tatimore njofton se afati i fundit për dorëzimin e DIVA 2024 dhe Deklaratës së Tatimit mbi Fitimit është data 1 PRILL 2025 Për më shumë informacion klikoni link në web faqen e Tatimeve: https://shorturl.at/VkApc", thuhet në njoftimin e Drejtorisës së Përgjithshme të Tatimeve.
Detyrimin e plotësimit të këtij formulari deklarimi kanë të gjithë të punësuarit që kanë pasur rrogë mujore bruto mbi 100 mijë lekë gjatë vitit të shkuar (mbi 1.2 milionë lekë në vit), të dy-punësuarit dhe ata që kanë të ardhura deri 50 mijë lekë të patatueshme të fituara nga të ardhurat nga qira ditore, AirBnB apo Booking. Rreth 144 mijë qytetarë do të duhet të plotësojnë deklaratën individuale të të ardhurave vjetore DIVA 2024.
Udhëzim për plotësimin e formularit DIVA
Deklarata DIVA 2024, gjenerohet e paraplotësuar automatikisht me të dhënat e të ardhurave vjetore bruto nga pagat apo shpërblimet nga marrëdhëniet e punësimit për individët, si edhe me përllogaritjen e Tatimit mbi të ardhurat nga Punësimi.
Për individët që do të deklarojnë DIVA për herë të parë fillimisht duhen të regjistrohen elektronikisht në https://www.tatime.gov.al
Për të dyja kategoritë si individët që plotësojnë për herë të parë DIVA dhe ata që e plotësuar më parë në faqen e tatimeve do të zgjidhet moduli e-Shërbime.
Më pas subjekti do të logohet, duke vendosur kredencialet, numrin personal të identifikimit dhe fjalëkalimin.
Në menunë Deklarata do të përzgjidhet rubrika Tatimi mbi të ardhurat personale, ku do të klikohet mbi tab Krijo deklaratë, duke klikuar mbi periudhën 2024, janar-dhjetor.
Menjëherë pas kësaj do të shfaqet Deklarata Individuale e të Ardhurave
Nga individët do të plotësohet seksioni A: Të dhëna identifikuese dhe seksioni B Të dhëna për llogaritjen e tatimit.
Për seksionin të dhëna identifikuese plotësohen, rubrikat si:
(3/4) Rezident në Republikën e Shqipërisë
(6) Numri i identifikimit personal sipas letërnjoftimit të deklaruesit *
(9) Statusi i Deklaruesit *i/e martuari, i/e martuar me fëmijë beqar, i/e divorcuar, kryefamiljar
(10) Telefoni Cel. *Posta Elektronike (e-mail)
(11) Të dhëna mbi pronësinë e banesës kryesore:a) në pronësi b) me qira c) falas nga pronari d) të tjera
(12) Emër/ Mbiemër i pronarit
ADRESA E BANIMIT NËSE ËSHTË E NDRYSHME NGA ADRESA E TË DHËNAVE IDENTIFIKUESE
(14) Nr. Tel, Posta Elektronike (e-mail)
(15) Të dhëna mbi pronësinë e banesës ku jeton: a) në pronësi b) me qira c) falas nga pronari d) të tjera
(17) Persona nën kujdestarinë e deklaruesit gjithsej
Numri i personave brenda familjes në kujdestari
Të tjerë persona në kujdestari
Seksioni të dhëna për llogaritjen e tatimit, përmban plotësimin e rublrikave si:
(3)Të ardhurat bruto nga paga apo shpërblime nga marrëdhëniet e punësimit
(4) Tatimi i llogaritur mbi pagat dhe shpërblimet e punësimit
[5] Të ardhurat bruto nga dividenti
[6] Të ardhurat bruto nga qiraja
(7) Fitime kapitale nga shitja e pasurisë së paluajtshme në pronësi të deklaruesit
[8] Të ardhurat bruto nga interesat bankare
(9) Fitimi kapital i krijuar nga investimet në tituj apo nga pasuri të paluajtshme
(10) Shuma bruto të fituara nga lotari apo lojra të tjera të fatit
[11] Të ardhurat bruto nga pasuria intelektuale liçensa, të drejta ekskluzive dhe pasuri të tjera që përbëhen vetëm nga të drejta dhe që nuk kanë formë fizike
[12] Fitime kapitali nga dhurimi
[13] Të ardhura bruto të realizuara jashtë territorit të Republikës së Shqipërisë
[14] Të ardhura bruto të tjera të papërmendura më lart
(15) SHUMA E TË ARDHURAVE BRUTO (Kutia 3 + kutia 5 deri 14)
(16) Shuma e interesit bankar të kredisë së marrë për shkollim
(17) Shpenzimet për mjekim për vete apo për fëmijët dhe për personat në kujdestari për pjesën e pambuluar nga sigurimi i detyrueshëm shëndetësor
(18)SHUMA E SHPENZIMEVE TË ZBRITSHME (kutia 16 deri 17)
TATIMI I LLOGARITUR PËR T’U PAGUAR
(19) Të ardhura të tatueshme pa të ardhurat nga punësimi (kutia 15 – kutia 3), [minus shpenzimet e zbritshme në rast se kutia 15 ≤ 1.050.000](kutia 15-kutia 3 – kutia 18)]
(20) Tatimi i llogaritur për të ardhurat e tatueshme pa të ardhurat nga punësimi
(21) SHUMA E TATIMIT TË LLOGARITUR (kutia 4 + kutia 20)
TATIME TË PAGUAR GJATË PERIUDHËS TATIMORE
(22) Tatimi mbi të ardhurat bruto nga paga apo shpërblimet nga marrëdhëniet e punësimit
(25) Tatimi mbi fitimet kapitale nga shitja e pasurisë së paluajtshme
(26) Tatimi mbi interesat bankare
(27) Tatimet mbi fitimet kapitale të krijuara nga investimet në tituj apo në pasuri të paluajtshme
(28) Tatimi mbi fitimet në nga lotaritë apo lojrat e tjera të fatit
(29) Tatimi mbi të ardhurat bruto nga të ardhurat e rubrikës (11)
(30) Tatimi mbi të ardhurat nga fitimet kapitale nga dhurimi
(31) Tatimi mbi të ardhurat e tjera
(32) Tatimi mbi të ardhurat bruto të realizuara jashtë territorit të Repubikës së Shqipërisë
(33) Kreditimi i tatimit të huaj
(34) SHUMA E TATIMIT TE PAGUAR (Kutia 22 deri kutia 32)
(35) TATIMI I DETYRUAR PER T’U PAGUAR (kutia 21-kutia 34)
(36) TATIMI I MBIPAGUAR (kutia 34 – kutia 21)
Nëse nga përllogaritja e të dhënave do të rezultojë diferencë për t’u paguar, pasi të plotësohet deklarata, duhet të printohet urdhërpagesa dhe të vijohet me pagimin e tatimit.
Për individët që kanë pasur edhe më parë detyrimin për plotësimin DIVA, rubrikat e sipërpërmendura, megjithëse gjenerohen të paraplotësuara, do të vijojnë të jenë fusha të lira dhe të ndryshueshme, në mënyrë që deklaruesi të ketë mundësi t’i verifikojë dhe ndryshojë ato. Gjithashtu fushë e paraplotësuar do të jetë edhe vlera e paguar gjatë vitit përsa i takon Tatimit mbi të ardhurat nga Punësimi.
