Ditën e premte vendi ynë do të jetë në ndikim të masave ajrore relativisht të paqëndrueshme.
Moti parashikohet të...
AKTUALITET
Dyshohet se mori ryshfet, pezullohet nga detyra efektivi i Policisë Rrugore në Tiranë
PiranjatPërditësimi i fundit 10 Dhjetor 2025, 18:42
Një efektiv i Policisë Rrugore në Tiranë, është pezulluar nga detyra pasi dyshohet se ka marrë ryshfet ndaj gjatë ushtrimit të detyrës. Policia njoftoi se efektivi K.K do të qëndroje i pezulluar nga detyra deri në sqarimin e plotë të rastit.
Masa u mor menjëherë pas publikimit në rrjetet sociale të një videoje ku pretendohet se një punonjës i Policisë Rrugore ka kryer një veprim të dyshuar të jashtëligjshëm gjatë ushtrimit të detyrës. Kështu, drejtori i Drejtorisë Vendore të Policisë Tiranë, në zbatim të rregullores së Policisë së Shtetit, ka pezulluar menjëherë nga detyra, deri në sqarimin e plotë të rastit, punonjësin e Policisë, inspektor K. K., me detyrë trupë shërbimi në Policinë Rrugore, në Komisariatin e Policisë Tiranë.
Gjithashtu, Drejtoria e Standardeve Profesionale në Drejtorinë e Përgjithshme të Policisë së Shtetit, ka nisur menjëherë procedimin hetimor.
Sipas policisë po bashkëpunohet me Agjencinë e Mbikëqyrjes Policore (AMP), e cila ka nisur menjëherë kryerjen e veprimeve hetimore e procedurale, me qëllim sqarimin dhe dokumentimin e plotë ligjor të rastit.
