Një zë i rëndësishëm në Kongresin e Shteteve të Bashkuara të Amerikës, republikania Alexandria Ocasio Cortez ka rea...
AKTUALITET
E denoncoi "Piranjat"/ Përndiqte në mënyrë të vazhduar një të mitur, arrestohet 27-vjeçari në Gjirokastër
PiranjatPërditësimi i fundit 16 Maj 2023, 16:23
GJIROKASTËR- Një 27-vjeçar është arrestuar në Gjirokastër për përndjekje. Mësohet se i riu ka rënë në pranga, pasi një 18-vjeçare së bashku me një gazetare nga emisioni Piranjat, ka shkuar në polici dhe ka bërë denoncimin. E reja ka treguar se 27-vjeçari e përndiqte atë në mënyrë të vazhdueshme për 2 vite rresht.
Gjirokastër Përndiqte në mënyrë të vazhdueshme një shtetase, vihet në pranga 27-vjeçari. Specialistët e Seksionit për Hetimin e Krimeve të Komisariatit të Policisë Gjirokastër ndaluan shtetasin F. M., 27 vjeç, banues në Gjirokastër, pasi në këtë Komisariat, është paraqitur bashkë me një gazetare të emisionit investigativ “Piranjat”, një shtetase 18 vjeçe, e cila ka kallëzuar se 27-vjeçari e përndiqte në mënyrë të vazhdueshme, për një periudhë kohore 2-vjeçare. Materialet në ngarkim të shtetasit F. M. i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme. Policia falënderon mediat për bashkëpunimin dhe i fton që të denoncojnë në strukturat e Policisë, çdo rast paligjshmërie, duke iu garantuar reagim të menjëhershëm dhe ligjor.
