Personi në foto, efektivi i ‘Shqiponjave’ Edison Adri, i cili mbeti i plagosur gjatë operacionit policor të zhvilluar në zon&e...
AKTUALITET
E rëndë në Fier! Djali tenton të vrasë prindërit e tij, i vë flakën banesës ku ata ishin dhe iu mbyll dyert mos të dalin, policia e arreston (EMRI)
r.llPërditësimi i fundit 24 Tetor 2024, 10:56
bvanesa
FIER- Një ngjarje e rëndë raportohet se ka ndodhur në Fier, ku një 42-vjeçar ka tentuar të vrasë prindërit e tij duke i djegur brenda në banesën e tyre. Altjon Sulejmani, i ka vënë zjarrin banesës ku ndodhenin dy të moshuarit dhe iu ka mbyllur edhe dyert që të mos dalin.
Dy të moshuarit janë shpëtuar dhe ndodhen në gjendje të mirë shëndetësore. Po ashtu zjarrfikësit kanë shuar edhe zjarrin në banesë.
42-vjeçari akuzohet për veprat penale “Vrasja për shkak të marrëdhënieve familjare”, mbetur në tentativë, “Dhuna në familje” dhe “Shkatërrimi i pronës me zjarr”. Sipas policisë, Sulejamani ka ushtruar edhe më parë dhunë ndaj prindërve të tij.
NJOFTIMI I POLICISË:
Fier/Tentoi të vriste prindërit e tij të moshuar, duke i vënë zjarrin banesës, kapet dhe vihet në pranga 42-vjeçari.
Mbrëmjen e djeshme, në lagjen “15 Tetori”, Fier, një banesë ku ndodheshin 2 të moshuar, është përfshirë nga flakët.
Pas marrjes së njoftimit, kanë shkuar menjëherë në vendngjarje shërbimet e Policisë dhe të Zjarrfikëses, të cilët kanë mundur të nxjerrin nga banesa, 2 të moshuarit, në gjendje të mirë shëndetësore. Zjarrfikësit kanë bërë të mundur fikjen e zjarrit.
Nga hetimet paraprake rezultoi se djali i shtetasve të moshuar, shtetasi A. S., 42 vjeç, banues në Fier, i ka vënë zjarrin banesës ku jetonte bashkë me prindërit, ka mbyllur dyert, në mënyrë që ata të mos dilnin nga banesa dhe është larguar.
Po nga veprimet hetimore dyshohet se ky shtetas ka ushtruar më parë dhunë ndaj prindërve të tij.
Shërbimet e Komisariatit të Policisë Fier bënë të mundur kapjen dhe arrestimin e shtetasit A. S., 42 vjeç.
Materialet procedurale do t’i kalojnë Prokurorisë, për veprime të mëtejshme, për veprat penale “Vrasja për shkak të marrëdhënieve familjare”, mbetur në tentativë, “Dhuna në familje” dhe “Shkatërrimi i pronës me zjarr”.
