"Ee na bon dom k*****!" Operacioni "Ura"/ Zbardhen pjesë nga dosja, ja si u kapën 275 kg drogë me stampën e “Dragon Ball” në Rimini 

TIRANA- Kanë dalë dhe transkripte të komunikimeve të koduara në aplikacionin Sky ECC të anëtarëve të organizatës së trafikut të lëndëve narkotike pas zhvillimit të operacionit "Ura" në Shqipëri dhe Itali. Në dosjen e SPAK janë zbardhur komunikimet e pesë viteve më parë, ku autorët flasin hapur me njëri-tjetrin, duke përdorur edhe disa kode për llojin e drogës, me epitete si “Dragon Ball”, ku shoqërohen edhe me foto.

Në dosje thuhet se në analizë të bisedave në aplikacionin SkyECC, në datën 03 dhjetor 2020, në orën përdoruesi i SkyECC, i identifikuar si Ekil Nderjaku zhvillon një bisedë me një përdorues të paidentifikuar, të cilin e informon se ai disponon lëndë narkotike, e cila ndodhet ne Rimini, Itali si dhe i dërgon fotografi ku stampuar imazhi i Gokut, personazhi vizatimor i Dragon Ball.

Pjesë nga dosja:

“5PNNS9—Shok mpate pyt iher per cokollat ne it ti mu….Kam ne rimni…Aha….Ardala kam…4…Ta lej iqet me 4.3…4.3….Ok…Jojo… Folti…

Po në datën 03 dhjetor 2020, në orën 18:51 përdoruesi i SkyECC 5PNNS9, i identifikuar si Ekil Nderjaku zhvillon një bisedë me përdoruesin e SkyECC QAEJ40, i paidentifikuar, ku Ekil Nderjaku i dërgon një fotografi në dukje lëndë narkotike, ku stampuar është imazhi i Gokut, personazhi vizatimor i Dragon Ball:

“5PNNS9--foto…
QAEJ40-–Me sa eshte kjo shok…
5PNNS9-–Me 4 shok…4.3 hiqet…Ardala…
QAEJ40-–Po spo gjej dot nji shofer”.

Në datën 04 dhjetor 2020, në orën 19:02, përdoruesi i SkyECC QAEJ40, i paidentifikuar, komunikon me përdoruesin e SkyECC 5PNNS9, i identifikuar si Ekil Nderjaku, ku ky i fundit e informon se i është sekuestruar një sasi lënde narkotike:
“QAEJ40—O shok…Ca bon…Po me gjet nji shof na nimon dot me na nji 10 pa likujdim…
5PNNS9-–O shok mi kapn mrom gjith 150 coko e 150 bar…Ne rimini…
QAEJ40-–Boh ca te paskan bo mer shok..Prapp…
SPNNS9–Po i q… ropt…”.

Biseda vijon në datën 05 dhjetor 2020, në orën 14:43 përdoruesi i SkyECC HPUTP2, i paidentifikuar i dërgon fotografi përdoruesit të SkyECC 5PNNS9, i identifikuar si Ekil Nderjaku, me përmbajtje të një lajmi në lidhje me sekuestrimin e një sasi lendë narkotike në Itali prej 275 kg drogë me stampën “Dragon Ball”, si vijon: “HPUTP2— Foto
5PNNS9-— He shok….He shok…Po na u kap ne rimn…Parmrom….
HPUTP2-–A i q… ropt…
SPNNS9-–Ee na bon dom kurvat… Leje mo shok as vet spo e kuptoj…”.

ura