Ambasadori i Gjermanisë në Shqipëri, Karl Bergner i kujton kryeministrit Rama se në rrugën për integrimin në B...
AKTUALITET
EMRAT/ Sekuestrohen rreth 7000 bimë kanabis, Hita pezullon 3 shefat e komisariateve të Shkodrës dhe Velipojës
PiranjatPërditësimi i fundit 9 Qershor 2026, 17:39
Gjatë një aksioni të policisë, në fshatin Reç i Ri janë gjetur mbi 7 mijë bimë të dyshuara narkotike. Njoftohet se Skënder Hita, ka pezulluar nga detyra Shefin e Komisariatit të Policisë Shkodër, Shefin e Stacionit të Policisë Velipojë dhe Ndihmësspecialistin e Policimit në Zonë, përgjegjës për territorin ku u gjetën bimët.
Bëhet fjalë për;
-Kryekomisar Bekim Lika, me detyre Shef i Komisariatit te Policise Shkoder, i pezulluar nga detyra,
-Nenkomisar Zef Marku, shef i Stacionit Policise Velipoje, i pezulluar nga detyra,
-Inspektor Samet Kadroji, Nd/specialist SPZ, pergjegjes per zonen ku jan gjetur bimet narkotike, i pezulluar nga detyra.
Njoftimi:
U gjetën të kultivuara 7446 bimë të dyshuara narkotike Cannabis Sativa, në fshatin Reç i Ri, Njësia Administrative Velipojë, Drejtori i Përgjithshëm i Policisë së Shtetit, Drejtues Madhor Skender Hita, pezullon nga detyra Shefin e Komisariatit të Policisë Shkodër, Shefin e Stacionit të Policisë Velipojë dhe Ndihmësspecialistin e Policimit në Zonë, përgjegjës për territorin ku u gjetën bimët.
-Kryekomisar Bekim Lika, me detyre Shef i Komisariatit te Policise Shkoder, i pezulluar nga detyra,
-Nenkomisar Zef Marku, shef i Stacionit Policise Velipoje, i pezulluar nga detyra,
-Inspektor Samet Kadroji, Nd/specialist SPZ, pergjegjes per zonen ku jan gjetur bimet narkotike, i pezulluar nga detyra.
Nis hetimi disiplinor dhe për 2 punonjës të tjerë, pjesë e grupit të kontrollit të territorit.
Pas informacionit të ardhur në postën elektronike të Drejtorit të Përgjithshëm të Policisë së Shtetit, për kultivimin e mijëra bimëve narkotike, në fshatin Reç i Ri, Velipojë, në një territor të hapur, lehtësisht të verifikueshëm në zonë fushore, u organizua menjëherë puna për asgjësimin e tyre, si dhe për identifikimin dhe kapjen e autorëve. Ndërkohë, Drejtori i Përgjithshëm i Policisë së Shtetit urdhëroi Drejtorinë e Standardeve Profesionale për të kryer një hetim të thelluar administrativ.
Për mangësi të konstatuara në mospërmbushjen e detyrave, filloi hetimi disiplinor për 5 punonjës policie, konkretisht për:
-Kryekomisar B. L., me detyrë Shef i Komisariatit të Policisë Shkodër, për të cilin është vendosur pezullimi disiplinor nga detyra;
-Nënkomisar Z. M., me detyrë Shef i Stacionit të Policisë Velipojë, gjithashtu i pezulluar nga detyra;
-Inspektor S. K., me detyrë Ndihmësspecialist i Policimit në Zonë, përgjegjës për territorin ku u gjetën bimët narkotike, i pezulluar nga detyra.
Më tej, ka nisur hetimi disiplinor, pa pezullim nga detyra, për Nënkomisar D. N., me detyrë Specialist për Hetimin e Krimeve në Stacionin e Policisë Velipojë dhe Inspektor E. I., me detyrë Ndihmësspecialist i Policimit në Zonë në Stacionin e Policisë Velipojë, të dy pjesë e grupit të kontrollit të territorit.
Lufta kundër kultivimit të bimëve narkotike dhe çdo forme të paligjshmërisë është prioritet i Policisë së Shtetit. Çdo rast do të trajtohet me vendosmëri maksimale dhe pa asnjë kompromis, si ndaj autorëve të veprave penale, ashtu dhe ndaj çdo punonjësi policie që nuk përmbush detyrimet ligjore apo abuzon me detyrën.
