EMRI/ I arrestuar 12 herë! U gjetën armë dhe eksploziv, shqiptari prangoset me partneren e tij në rrugët e Athinës

GREQIA- 39-vjeçari shqiptar Armiol Rrasa, i arrestuar 12 herë është parë i lirë teksa lëvizte në rrugët e Athinës, por liria e tij nuk ka zgjatur shumë pasi u arrestua së fundmi bashkë me partneren e tij. Raportohet se brenda makinës së tyre të marrë me qira, u  gjetën pako me eksploziv dhe detonatorë në një vend të posaçëm nën timon teksa në një zonë tjetër të mjetit, policia zbuloi edhe një pistoletë.

Mediat greke shkruajnë se në orët e para të pasdites të së shtunës, 39-vjeçari dhe partnerja e tij 33-vjeçare janë nxjerrë para prokurorit publik, i cili i ka proceduar për veprën penale të mbajtjes dhe furnizimit me lëndë plasëse. 39-vjeçari dyshohet se është pjesëtar i një grupi grabitësisht dhe lënda plasëse ishte menduar për ndërtimin e një bombe, e cila do të vendosej në një makinë apo dyqan.

Precedentët e Armiol Rrasës:

09.04.2003 – arrestuar për tentativë vjedhje dhe shkelje të ligjit mbi të huajt.

04.07.2005 – arrestuar për shkelje të ligjit mbi të huajt.

04.11.2007 – arrestuar dhe dëbuar.

10.11.2008 – arrestuar për drogë dhe dënuar me burgim të përjetshëm.

31.07.2015 – liruar nga psikiatria e të dënuarve në burgu e Koridhalos me urdhër dëbimi të përjetshëm nga Greqia.

23.02.2016 – arrestuar për shkelje të kufizimeve të qëndrimit.

25.07.2020 – arrestuar si i kërkuar me dënim për vjedhje.

17.01.2021 – arrestuar si i kërkuar me dënim për falsifikim.

31.07.2021 – arrestuar si i kërkuar me dënim për shkelje të kufizimeve të qëndrimit.

25.11.2021 – arrestuar për mbajtje pa leje të armëve (i’u gjet një thikë e palosshme).

06.03.2024 – i’u ngrit akuzë për dhunë në familje.

04.06.2024 – i’u ngrit akuzë për përdhunimin e një të miture.

06.07.2024 – u arrestua për shkelje të rregullave të qarkullimit rrugor.

Armiol Rrasa rezulton me precedentë penalë edhe në Shqipëri.

greqia