Me flokët e saj të kuq të çrregullt, sytë e gjelbër plot gjallëri dhe pamjen joshëse, 23-vjeçarja Anna Chapma...
AKTUALITET
EMRI/ I dënuar me 14 vite burg në Itali për trafik droge, arrestohet në Durrës 43-vjeçari
PiranjatPërditësimi i fundit 10 Gusht 2026, 14:53
Një 43-vjeçar i shpallur në kërkim ndërkombëtar është lokalizuar dhe arrestuar në Durrës, me qëllim ekstradimin drejt Italisë.
Në pranga ka rënë Kastriot Dyrmishi alias Kastriot Dermishi, 43 vjeç, banues në Durrës, i cili ishte shpallur në kërkim ndërkombëtar nga autoritetet italiane.
Dyrmishi është dënuar nga Gjykata e Apelit në Firence, Itali, me 14 vite burgim për veprën penale “Trafikimi i lëndëve narkotike”.
Sipas policisë, atij i kanë mbetur për të vuajtur edhe 12 vite, 9 muaj dhe 24 ditë burgim.
“Si rezultat i koordinimit informativ dhe operacional me homologët në Itali, nëpërmjet Interpol Tiranës, si dhe i veprimeve të shpejta policore, specialistët e Seksionit për Mbështetjen Operacionale të Hetimit finalizuan operacionin e koduar “Wanted 37”, si rezultat i të cilit, u kap në lagjen nr. 17/1, dhe u arrestua me qëllim ekstradimin në Itali, shtetasi Kastriot Dyrmishi, alias Kastriot Dermishi, 43 vjeç, banues në Durrës.
Ai ishte shpallur në kërkim ndërkombëtar, pasi Gjykata e Apelit, Firenze, Itali, e ka dënuar me 14 vjet burgim, për veprën penale “Trafikimi i lëndëve narkotike”, dënim nga i cili i kanë mbetur për të vuajtur 12 vjet, 9 muaj dhe 24 ditë burgim.
Interpol Tirana, në bashkëpunim me homologët italianë, vijon procedurat për ekstradimin e këtij shtetasi, në Itali.”– njofton policia.
