Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
AKTUALITET
EMRI/ Shqiptari bën mrekullinë në Francë, pret me duart e tij adoleshentin 17-vjeçar që ra nga 10 metra lartësi
ZH.LLPërditësimi i fundit 22 Dhjetor 2024, 12:14
france
FRANCË- Shqiptari Redi Rrjolli ka bërë mrekullinë në Francë, teksa ka pritur me duart e tij një 17-vjeçar i cili ra nga një skelë, prej 10 metra lartësi.
Sipas mediave franceze, ngjarja ka ndodhur më 15 dhjetor rreth orës 15:00, ku shqiptari sapo kishte dalë nga banesa e tij në Mulhouse të Francës. Rrjolli ishte bashkë me bashkëshorten e tij dhe djalin 14 muajsh.
Ndërsa po ecnin në rrugë, në krah të disa skelave të ngritura, një punëtor, vetëm 17-vjeçar që po punonte në skelë, në mënyrë aksidentale ka humbur ekuilibrin dhe ka rënë. Ka qenë veprimi instiktiv i Rrjollit, i cili ka hapur krahët dhe e ka pritur trupin e adoleshentit duke i zbutur rënien në tokë, e në këtë mënyrë duke i shpëtuar edhe jetën. Menjëherë në ndihmë të tij kanë ardhur edhe persona të tjerë që ishin aty.
Raportohet se shqiptari, Redi Rrjolli ka marrë lëndime të lehta. Për shkak të peshës së pritur, ka pasur probleme me krahët por fatmirësisht nuk kanë qenë shqetësuese.
Veprimi i tij është përshëndetur nga kryebashkiaku i Mulhose, policia dhe zjarrfikësit të cilët e falënderuan për veprimin e tij shpëtimtar.
