Kryeministri Edi Rama ka publikuar një pasqyrë të protestave në disa vende, ku përfshihet edhe Shqipëria, duke krahasuar numrin e ...
AKTUALITET
EMRI/ Shqiptari u arratis nga burgu pasi gruaja i dha lajmin tronditës, por gjurmët e gishtave nuk e lidhin me plagosjen e ukrainases
PiranjatPërditësimi i fundit 22 Shtator 2025, 17:29
Përfshirja e një shqiptari në plagosjen me thikë të një vajze ukrainase është përjashtuar tanimë. Policia greke thotë 27-vjeçari Ylli Shkalla nga Tirana, i arratisur nga burgu i Halkidiki, nuk rezulton të jetë i përfshirë në krim, pavarësisht pretendimet të mediave greke pak ditë më parë se ishte ai autori.
Ai u arratis nga burgu i Halkidikisë më 18 shtator, ndërkohë që viktima e ngjarjes së një ditë më pas, e identifikoi atë si të dyshuar përmes fotografisë.
Gjurmët e gishtave kanë zbuluar se Shkalla, person me precedentë penalë për vjedhje në Shqipëri dhe i dënuar në Greqi për dhënie ndihmë për kalim të paligjshëm të kufirit, nuk është personi i dyshuar.
Grabitja ndodhi brenda një banese me qira në zonën e Kypsës, në Kassandra të Halkidikisë. Sipas informacioneve, rreth orës 5:00 të pasdites, autori i krimit hyri me forcë në banesë, e goditi me thikë 25-vjeçaren dhe i mori telefonin celular dhe 2,000 euro.
Ai u largua menjëherë pas kësaj. Viktima u dërgua me ambulancën në spital. Policia ka rinisur hetimet për identifikimin dhe arrestimin e autorit, pasi çështja mbetet e hapur ndërkohë që vazhdojnë kërkimet për arrestimin e shqiptarit, pas arratisjes nga burgu bujqësor ku vuante dënimin në gjysmë liri.
Policia është habitur se si ka mundësi që Shkalla u arratis vetëm një muaj para lirimit dhe për këtë ka marrë në pyetje të dënuar të tjerë të burgut. Ata janë shprehur se 27-vjecari kohët e fundit kishte probleme bashkëshortore dhe se gruaja e tij e kishte njoftuar se donte të ndahej. Kjo dyshohet se e ka shtyrë 27-vjecarin të arratiset, ndoshta për të zgjidhur problemin e lindur së fundmi. /Piranjat/
