Një goditje, dy hapa dhe më pas rrëzimi në tokë. Kështu e përshkruan Erjon Vishkulli momentin kur u plagos në sy nga n...
AKTUALITET
Fiket plotësisht zjarri në Shëngjin, nis hetimi për shkaqet
PiranjatPërditësimi i fundit 30 Maj 2026, 11:19
Është fikur plotësisht vatra e zjarrit që ra mesditën e së premtes në kurorën me pisha të Malit të Shëngjinit, në zonën e Ranës së Hedhun.
Pas orësh të tëra ndërhyrjeje, forcat zjarrfikëse dhe ekipet e emergjencave civile arritën rreth orës 04:00 të mëngjesit të sotëm izolimin dhe më pas shuarjen totale të flakëve. Në terren u angazhuan edhe efektivë me çanta shpine, të cilët punuan për të neutralizuar vatrat e vogla dhe për të parandaluar riaktivizimin e zjarrit.
Në operacion morën pjesë forca zjarrfikëse nga Kamza, Mirdita, Vau i Dejës, Kurbini dhe Lezha, të cilat ndërhynë me mjete dhe personel për të mos lejuar përhapjen e flakëve drejt zonave të banuara, apartamenteve, bizneseve dhe resorteve turistike në zonë.
Falë ndërhyrjes është shmangur përhapja e zjarrit në zonat e banuara, duke parandaluar dëme më të mëdha materiale dhe rrezik për banorët dhe turistët.
Ndërkohë, policia ka nisur hetimet mbi shkaqet e rënies së zjarrit, për të përcaktuar nëse kemi të bëjmë me zjarrvënie të qëllimshme apo me shkaqe të tjera aksidentale.
Paralelisht, autoritetet po vijojnë punën për të përcaktuar sipërfaqen e djegur me pisha dhe për të vlerësuar dëmet e shkaktuara në zonë.
