Prokuroria e posaçme SPAK, ka vendosur të nisë verifikimet lidhur me deklaratat e forta të bëra nga ish-zv/kryeministri i Shqip&eum...
AKTUALITET
Si në filmat e agjentit 007/ Piranjat News zbardh detaje për pistoletën stilolaps të sekuestruar sot – Si u zbulua i riu
PiranjatPërditësimi i fundit 3 Mars 2026, 10:25
Policia e Korçës ka arrestuar një 32 vjeçar me inicialet Eduart Xhaollari pasi gjatë kontrollit i gjetën pistoletë si stilolaps, me fishekë.
Arrestimi i të riut u bë në ambientet e një lokali në fshatin Podgorie, Maliq.
Burime zyrtare pranë Policis së Korçës bëjnë me dije për Piranjat News se kjo lloj arme nuk është gjetur për herë të parë por të paktën hera e tretë që kapet një armë e tillë në vend. Pistoleta do ti nënshtrohet verifikimeve, nëse mund të jetë përdorur në ngjarje kriminale. Në treg kjo lloj arme kap vlerën e 700 $ teksa mban vetëm një fishek dhe është dizenjuar për të qëlluar largësi të afërta.
Njoftimi i policisë
DVP Korçë/Goditet një rast i armëmbajtjes pa leje.
Posedonte pistoletë si stilolaps, me fishekë, kapet në flagrancë në një lokal dhe vihet në pranga 32-vjeçari.
Sekuestrohet pistoleta me formën e stilolapsit.
Në vijim të punës për goditjen e veprimtarisë kriminale të armëmbajtjes pa leje dhe kontrolleve të shtuara për rritjen e parametrave të sigurisë, strukturat e DVP Korçë, në bashkëpunim me shërbimet e Forcës së Posaçme “Shqiponja”, në bazë të informacioneve të siguruara në rrugë operative se një shtetas posedonte armë zjarri pa leje, organizuan punën dhe lokalizuan shtetasin e dyshuar, në një lokal në fshatin Podgorie, Maliq.
Gjatë kontrollit fizik, shtetasit E. Xh. iu gjet një send i dyshuar pistoletë me fishekë, i ngjashëm me stilolapsin, i cili u sekuestrua në cilësinë e provës materiale.
Në përfundim të veprimeve, specialistët për Hetimin e Krimeve të Komisariatit të Policisë Maliq arrestuan në flagrancë për veprën penale “Mbajtja pa leje dhe prodhimi i armëve, armëve shpërthyese dhe i municionit”, shtetasin E. Xh., 32 vjeç, banues në fshatin Podgorie, Maliq.
Materialet procedurale iu referuan Prokurorisë së Korçës, për veprime të mëtejshme.
