Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
AKTUALITET
Goditet grupi kriminal shqiptar në Spanjë, arrestohen 13 persona, sekuestrohet droga e kultivuar dhe armë zjarri
M.B.Përditësimi i fundit 23 Mars 2025, 19:41
SPANJA- Një grup kriminal me shqiptarë në përbërje është goditur në Spanjë duke çuar në arrestimin e 13 personave. Sipas mediave të huaja banda u godit nga nga agjentë të Njësisë së Hetimit Territorial të Rajonit Metropolitane në jug të Mossos d’Esquadra, në kuadër të operacionit policor “Trifásico”. Sipas tyre, në total, 13 persona u arrestuan, duke përfshirë “kopshtarët” e plantacionit , ndërmjetësit, një drejtues dhe drejtuesin e organizatës. Gjithashtu mësohet se u sekuestruan 5000 bimë marihuanë. Përveç kësaj, agjentët sekuestruan katër armë zjarri në shtëpinë e ndërmjetësit spanjoll, një zbulim gjithnjë e më i shpeshtë, pasi organizatat kriminale të këtij lloji zakonisht janë të armatosura.
Sipas Zëvendës Inspektorit Durán, operacioni i policisë ishte një goditje vendimtare kundër një prej qelizave më aktive të dyshuara kriminale në rajon, e njohur për aftësinë e saj për të ngritur shpejt plantacione të reja. Me këtë rast, shkruajnë mediat e huaja tre kultura të reja janë çmontuar: një në Santa Coloma de Cervelló , një tjetër në Granollers dhe një tjetër në një fermë në Vallirana. Ky i fundit ishte në pronësi të një individi me origjinë spanjolle, i cili vepronte si mbulesë për organizatën dhe ishte përgjegjës për të vepruar si ndërmjetës midis drejtuesit të parë, përgjegjës për pagesat e qirave për mjediset, dhe drejtuesit të grupit.
Hetimi filloi 6 muaj më parë, kur oficerët zbuluan konsum jonormal të energjisë në një magazinë në Santa Coloma de Cervelló (Barcelona). Ky tregues fillestar bëri që Mossos d’Esquadra të dyshonte për aktivitete të paligjshme brenda ambienteve. Prej aty u hapën hetimet dhe nisi vëzhgimi për personat që frekuentonin magazinë, gjë që çoi në zbulimin e lidhjeve të mundshme me dy lokacione të tjera, një në Granollers dhe një tjetër në Valliranë. Konsumi i lartë i energjisë elektrike është raportuar gjithashtu në të dy lokacionet, duke përforcuar dyshimet për aktivitete të paligjshme. Gjatë hetimeve, u identifikuan disa anëtarë kyç të rrjetit, të gjithë me origjinë shqiptare, përfshirë ata që janë përgjegjës për plantacionet.
