Goditi me sende të forta punonjësen e OSHEE-së, shpallet në kërkim 38-vjeçari në Tiranë

TIRANA- Një 38-vjeçar në Tiranë është shpallur në kërkim pasi dyshohet se ka goditur me sende të forta për shkak të detyrës një punonjëse të OSHEE-së e cila kishte shkuar për të parë sahatin e dritave në lokalin e tij. Policia bën me dije se punonjësja e OSHEE-së ndodhet në spital nën kujdesin e mjekëve. Ndërkohë, materialet procedurale iu referuan Prokurorisë, për veprime të mëtejshme. 

Njoftimi:

Specialistët për Hetimin e Krimeve në Komisariatin e Policisë Nr. 2 shpallën në kërkim dhe punohet për kapjen e shtetasit S. C., 38 vjeç, banues në Tiranë.

Ky shtetas, me datë 25.04,2025, rreth orës 13:00, dyshohet se ka goditur me sende të forta për shkak të detyrës shtetasen R. H., 37 vjeçe (punonjëse e OSHEE-s) e cila kishte shkuar për të parë sahatin e dritave në lokalin që 38-vjeçari posedon në rrugën ‘’Artan Lenja’’.

Si pasojë është dëmtuar 37-vjeçarja, e cila ndodhet në spital, nën kujdesin e mjekëve. Materialet procedurale iu referuan Prokurorisë, për veprime të mëtejshme.

tirana