Kryetari i Partisë Demokratike, Sali Berisha, ka reaguar përmes një deklarate lidhur me komentet dhe interpretimet e bëra në med...
AKTUALITET
Grabisnin markete dhe pastiçeri, këta janë dy hajdutët e arrestuar (Emrat)
PiranjatPërditësimi i fundit 1 Mars 2026, 10:47
Dy persona janë arrestuar nga Policia në Durrës, pasi akuzohen si autorë të disa grabitjeve në biznese të ndryshme në qytetin bregdetar.
Sipas Policisë, në kuadër të planit operacional të koduar “Siguria”, u identifikuan dhe arrestuan shtetasit Anxhelo Dollaku, 27 vjeç, dhe Paulo Muho, 27 vjeç, të dy banues në Durrës.
Njoftimi:
Në kuadër të këtij plani, gjatë 12 orëve të fundit u finalizuan 2 operacione, “Arka” dhe “Broken”.
Zbardhen dhe dokumentohen me prova ligjore 5 raste vjedhjesh në dyqane, markete dhe pastiçeri. Vidhnin shuma parash, mallra dhe sende të ndryshme, vihen në pranga 2 shtetas.
Vijon puna intensive për zbardhjen dhe dokumentimin e disa vjedhjeve të tjera.
Në zbatim të detyrave të përcaktuara në planin operacional të koduar “Siguria”, shërbimet e Komisariatit të Policisë Durrës, gjatë 12 orëve të fundit, bazuar edhe në informacione të siguruara në rrugë operative, kanë organizuar dhe finalizuar 2 operacione për zbardhjen e vjedhjeve.
Në kuadër të këtyre operacioneve u vunë në pranga shtetasit A. D., 27 vjeç, banues në Durrës, dhe P. M., 27 vjeç, banues në Durrës.
Nga hetimet ka rezultuar se shtetasi A. D. është autor i disa vjedhjeve të ndodhura në qytetin e Durrësit, konkretisht:
-në një piceri, të ndodhur në lagjen nr. 6;
-në një dyqan, të ndodhur në lagjen nr. 5;
-në një market, të ndodhur në lagjen nr. 8.
Ndërsa shtetasi P. M., 27 vjeç, rezulton se është autor i vjedhjeve:
-në një pastiçeri, të ndodhur në lagjen nr. 12;
-në një market, të ndodhur në lagjen nr. 18.
Në bashkëpunim me Prokurorinë, vijon puna për dokumentimin me prova ligjore të disa vjedhjeve të tjera të kryera nga këta shtetas.
Materialet procedurale iu referuan Prokurorisë së Durrësit, për veprime të mëtejshme.
