Ka nisur protesta e pestë në mbrojtje të Zvërnecit, ku qytetarët kundërshtojnë projektin për ndërtimin e një r...
AKTUALITET
Grabiti çantën me një shumë të konsiderueshme eurosh, i moshuari përfundon në prangat e policisë
PiranjatPërditësimi i fundit 4 Tetor 2025, 10:10
Një vjedhje e ndodhur në një lokal në Tiranë është zbardhur në kohë rekord, pasi autori është identifikuar dhe kapur menjëherë pas kryerjes së krimit. Pas kallëzimit të një shtetasi për vjedhjen e çantës me një shumë të konsiderueshme eurosh, shërbimet e Komisariatit të Policisë Nr. 3 kanë ndërmarrë veprime të shpejta, duke identifikuar dhe arrestuar autorin e dyshuar, një 65-vjeçar.
Çanta e vjedhur është gjetur e fshehur në një rrugicë pranë Rrugës së Durrësit dhe u sekuestrua si provë materiale, ndërkohë mësohet se hetimet po vazhdojnë për të zbardhur dhe vjedhje të tjera të mundshme që mund të ketë kryer autori.
Njoftimi policisë:
Tiranë
Vodhi në lokal, çantën e një klienti, identifikohet dhe kapet menjëherë pas krimit.
Gjendet e fshehur në një rrugicë në afërsi të lokalit, çanta me një shumë të konsiderueshme eurosh në të.
Si rezultat i administrimit të menjëhershëm të kallëzimit të një shtetasi, se në një lokal në rrugën “Mihal Duri”, i kishin vjedhur çantën me një shumë eurosh në të, shërbimet e Komisariatit të Policisë Nr. 3 identifikuan dhe kapën autorin e dyshuar të vjedhjes, shtetasin A. G., 65 vjeç.
Gjithashtu, gjetën të fshehur në një rrugicë përgjatë Rrugës së Durrësit, çantën me shumën e eurove, e cila u sekuestrua me cilësinë e provës materiale.
Punohet për zbardhjen e vjedhjeve të tjera që mund të ketë kryer shtetasi A. G.
Materialet procedurale iu referuan Prokurorisë, për veprime të mëtejshme.
