Një zë i rëndësishëm në Kongresin e Shteteve të Bashkuara të Amerikës, republikania Alexandria Ocasio Cortez ka rea...
AKTUALITET
Grabiti “FiBank”, Bardhyl Fusha themeloi kompaninë “2D Construction”, si dështoi biznesi i tij
Nga Xhuljan FerzajPërditësimi i fundit 13 Shkurt 2026, 10:27
61 vjeçari Bardhyl Fusha ditën e djeshme, (12 shkurt), rreth orës 11:15, në rrugën “Muhedin Llagami”, hyri i qetë në “FiBank” me një çantë tenisi në shpinë ku kishte fshehur armën tip kallashnikov. Në hyrje të bankës, nuk kishte asnjë detektor metalik për të zbuluar armën, të jepte sinjal tek punonjësit e sigurisë.
Bardhyl Fusha u drejtua me shpejtësi tek punonjësja e arkës duke i drejtuar armën, dhe kërcënuar ti jepte paratë.
Kjo e fundit i dha 800 000 lekë pasi 61 vjeçari për ti frikësuar gjuajti të paktën një herë me kallashnikov drejt dyshemesë, pa lënduar asnjë person.
Një qytetare që po priste radhën njoftoi policinë fshehtas që grabitësi të mos dyshonte, ndërkohë policia mbërriti në vendngjarje brenda pak sekondave, duke bërë të mundur arrestimin e Bardhyl Fushës. Piranjat News bënë hulumtime dhe rezulton se 61 vjeçari themeloi kompaninë “2D Construction”, në 1 Korrik 2022 me kapital fillestar 100 mijë lekë.
Kompania e tij, do të ofronte shërbime për “Ndërtime civile dhe industriale.
Rikonstruksion dhe mirëmbajtje godinash civile, industriale, veshje fasadash.
Ndërtim rruge, autostrada, mbikalime, hekurudha, etj. Punime gërmimi në formacione të gjitha llojeve; Impiante të sinjalistikës ndriçuese të trafikut dhe sinjalistika rrugore jo ndriçuese. Punime nëntokësore, ura e vepra arti. Punime për prishjen e ndërtimeve. Impiante hidrosanitare, kuzhina, lavanteri, mirëmbajtja e tyre.
Impiante ngritës dhe trasportues (ashensorë ,shkallë lëvizëse, transportues). Punime rifiniture të muraturës dhe të lidhura me to. Import-eksport dhe tregtim i materialeve të ndërtimit e lëndëve të para brenda dhe jashtë vendit”.
Bardhyl Fusha do ta mbante kompaninë e tij vetëm një vit, pas vështirësive financiare për mos shlyerjen e pagës së punonjësve u detyrua të shiste “2D Construction” në datën 12 Mars 2023 tek shtetasi V. Zela, raporton Piranja News.
Katër vite pas themelimit të kompanisë, borxhet e ndiqnin nga pas, duke e nxitur Bardhyl Fushën të merrte veprim ekstrem, të grabiste “FIBank”, ku mori 800 000 lekë, por këto para nuk i mori dot pasi u arrestua nga policia. /Piranjat News
