Dy persona janë plagosur me armë zjarri mbrëmjen e sotme në zonën e Laprakës në Tiranë.
Ngjarja dyshohet se ka ndodhur ...
AKTUALITET
''I ndërtoi urë "personale" motrës''/ Ky është tenderi i denoncuar nga Piranjat që fundosi ish-kryetaren e Bashkisë Tropojë
PiranjatPërditësimi i fundit 26 Nëntor 2025, 12:15
GJKKO ka vendosur sot të dërgojë për gjykim çështjen penale ndaj ndërtuesit Rrok Gega dhe ish-kryetares së komanduar të bashkisë Tropojë, Zyra Islamajt, të akuzuar për korrupsion aktiv dhe pasiv në ushtrimin e funksioneve publike.
Sipas hetimeve, rezulton se Zyra Islamaj, në kohën kur ushtronte detyrën e Kryetares së Bashkisë Tropojë, është përpjekur përmes një tenderi të hapur, të favorizojë ndërtimin e një ure në dobi të familjarëve të saj.
Ky skandal e ka zanafillën që prej denoncimit nga emisioni Piranjat 1 vit më parë.
Për çfarë bëhet fjalë?
Zyra Islamaj vendosi të ndërtojë një urë mbi përroin që kalon pranë shtëpisë së motrës së saj, duke ndërhyrë kështu te ndërtuesi Rrok Gega.
Për këtë, zyrtarja e lartë e bashkisë do të ngarkonte, teknikun e mirëmbajtjes së rrugëve, Agim Demiraj që të asistonte ndërtuesin duke i treguar vendin ku ka shtëpinë motra e saj dhe të ndiqte punimet, si dhe të insistonte tek ndërtuesi që ura të ndërtohej sa më shpejt.
Sapo, Demiraj kupton se diçka nuk shkonte, vendos të përballet me ish-kryetaren në detyrë të bashkisë, Zyra Islamaj dhe të refuzonte përfshirjen, pa e ditur se nga ky refuzim, do të niste dhe një ''hakmarrje'' nga Islamaj.
Kjo e fundit do ta transferonte nga qyteti i Bajram Currit në fshatin Lekbibaj, 120 kilometra vajtje-ardhje nga qyteti.
Vetë Rrok Gega shprehet se ndërtimi i urës për motrën e kryetares nuk ka qenë në procedurat e tenderimit dhe se ky i fundit do të ia bënte "dhuratë".
