Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
AKTUALITET
I vendosi tritol lokalit në Tiranë, identifikohet dhe shpallet në kërkim autori, me precedent të theksuar kriminale
b.zPërditësimi i fundit 29 Mars 2025, 13:32
Policia
TIRANË - Policia ka dalë me një reagim zyrtar lidhur me ngjarjen e ndodhur pak ditë më parë në Tiranë, ku një sasi tritoli u vendos në ambjentin e jashtëm të një lokali. Policia sqaron se nga hetimet për zbardhjen e rastit është identifikuar dhe shpallur në kërkim autori i ngjarjes, një 47-vjeçar.
Policia bën me dije se 47-vjeçari është me precedent të theksuar kriminal të mëparshëm. Grupi hetimor ka nisur hetimet për kapjen e tij dhe dokumentimin e plotë ligjor të ngjarjes.
Njoftimi i Policisë
Zbardhet dhe dokumentohet ngjarja e ndodhur më datë 25.03.2025, në rrugën “Mustafa Gaxheri”, ku plasi një sasi lënde plasëse në ambientin e jashtëm të një lokali.
Identifikohet dhe shpallet në kërkim 47-vjeçari si autor i dyshuar i ngjarjes.
47-vjeçari me precedent të theksuar kriminal të mëparshëm.
Sekuestrohen veshjet e përdorura nga autori i dyshuar ditën e ngjarjes si dhe biçikleta që 47-vjeçari përdori për tu larguar.
Specialistët për Hetimin e Krimeve të Komisariatit të Policisë Nr. 4, në vijim të punës për zbardhjen dhe dokumentimin e ngjarjes së ndodhur me datë 25.03.2025, në lokalin në posedim të S. H, në rrugën “Mustafa Gaxheri”, bazuar dhe në informacionet e siguruara nga inteligjenca informative, kanë identifikuar dhe shpallur në kërkim autorin e dyshuar të ngjarjes shtetasin R. M., 47 vjeç, banues në Tiranë.
Punohet intensivisht për kapjen e tij dhe dokumentimin e plotë ligjor të ngjarjes.
Materialet i kaluan Prokurorisë, për veprime të mëtejshme procedurale.
