Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
AKTUALITET
Identifikohen raste të murtajës Afrikane në Lezhë, pas ngordhjes së 10 derrave vendoset në karantinë zona rreth Malit të Rrencit
n.fPërditësimi i fundit 29 Nëntor 2024, 12:32
Lezhe
LEZHË- Murtaja afrikane e derrit është identifikuar në Malin e Rrencit në Lezhë. Raportohet se nga kjo sëmundje kanë ngordhur 10 derra prej të cilëve pesë brenda një ferme dhe pesë të tjerë përgjatë masivit pyjor të kësaj zone. Shërbimi i Veterinarisë në Lezhë ka kryer analizat ndërsa ka rezultuar se derrat kanë ngordhur nga murtaja afrikane. Për ketë arsye zona është vendosur në karantinë, ndërsa po kryhen verifikime në të gjithë zonën.
Monitorimi do të jetë i vazhdueshem përgjatë 20 diteve në vijim, ndërsa Përgjegjësi i Shërbimit Veterinar në Lezhë Ded Rama u bën thirrje të gjithë qytetareve dhe kryesisht gjahtarëve të sinjalizojnë insitucionin nëse konstatojnë kafshë të ngordhura, me qëllim që të veprohet menjëherë dhe sëmundja mos të përhapet.
Sëmundja e Murtajës Afrikane të derrave (ASF), shkaktohet nga një virusi i familjes Asfaviridae dhe është shumë ngjitëse që prek derrat shtëpiak dhe ato të egër, ku shkalla e vdekshmërisë së të cilëve mund të arrijë deri në 100%. Virusi i kësaj sëmundje është shumë rezistent në mjedis dhe mund të mbijetojë në rroba, çizme, rrota dhe materiale të tjera. Sëmundja mund të mbijetojë edhe në produkte të ndryshme të derrit dhe nënprodukte.
