Autoritetet ukrainase kundër korrupsionit, NABU dhe SAPO, kanë nisur një aksion ndaj zyrtarëve të Prokurorisë së Përgj...
AKTUALITET
Ish-luftëtari i UÇK denoncon: Kanë arrestuar vëllanë tim sepse krahasova Ramën me Çausheskun
PiranjatPërditësimi i fundit 10 Qershor 2026, 19:33
Ish-luftëtari i UÇK-së, Meçan Zotaj, denoncoi nga podiumi i protestës ditën e sotme se qeveria kishte nisur represionet, shantazhet, kërcënimet dhe arrestimet ndaj protestuesve dhe familjarëve të tyre.
Ai solli në vëmendje rastin e tij, ku pas fjalimit të djeshëm në protestë, Policia i arrestoi të vëllanë, vetëm pse e kishte krahasuar kryeministrin Edi Rama me Çausheskun.
“Qeveria kriminale e Ramës dhe skllevërit e tij kanë nisur presionet ndaj protestuesve. Ata, kjo qeveri, kanë shkuar të arrestojnë vëllanë tim në Roskovec, e kanë arrestuar, te shtëpia ime, vetëm pse unë dje e krahasova me Çausheskun”, tha ai.
Më tej Zotaj shpjegoi se problemin Rama s’e kishte personal, por institucional për shkak të skandaleve qeveritare dhe sjelljes arrogante të regjimit, teksa u shpreh se nuk do dorëzoheshin deri në sakrificë.
“Nuk e ka problemin personalisht me mua, e ka institucional si një person që bën pazare. Kërcënimet që bën qeveria nëpërmjet patronazhistëve dhe skllevërve të saj na bën ne edhe më të fortë.
Jemi të gatshëm të sakrifikojmë deri në fund, për t’i dhënë fund fashizmit të kësaj qeverie, që morën sjelljen e popullit për dobësi. Populli ngre fjalën e zërin, ata shkojnë dhe kërcënojnë.
Nëse ata prekin familjet tona, ne do i tregojmë se e bëjmë me të rinjtë. Revolta nuk vjen nga ne, por nisi për shkak të tyre, agresionit të tyre”, vijoi ish-luftëtari nga Fieri.
