Ashtu siç pritej, me të mbërritur te kryeministria, ka nisur përplasja mes policisë dhe protestuesve.
Kanë qenë kë...
AKTUALITET
Ishte në kërkim për vjedhje, policia arreston të riun nga Elbasani
PiranjatPërditësimi i fundit 3 Mars 2026, 17:08
Një 29-vjeçar i shpallur në kërkim për vjedhje është arrestuar nga Policia e Elbasanit në rrugën “17 Marsi”. Sipas njoftimit zyrtar mësohet se, Gjykata e Apelit Tiranë, e ka dënuar të riun për këtë veprimtari kriminale me 1 vit e 8 muaj burg.
Mësohet se, veprimet procedurale do të kryhen nga strukturat e Drejtorisë Vendore të Policisë Tiranë.
Njoftimi i policisë:
"Si rezultat i kontrolleve të vazhdueshme të kryera në bazë të informacioneve të shkëmbyera me strukturat e DVP Tiranë, për një shtetas të shpallur në kërkim që fshihej në Elbasan, shërbimet e Forcës së Posaçme Operacionale të DVP Elbasan organizuan punën për lokalizimin dhe kapjen e tij. Në rrugën “17 Marsi”, u lokalizua, u kap dhe u vu në pranga shtetasi E. Gj., 29 vjeç, banues në Elbasan.
Ky shtetas ishte shpallur në kërkim nga Komisariati i Policisë Nr. 1 Tiranë, pasi Gjykata e Apelit e Juridiksionit të Përgjithshëm Tiranë, me vendimin e datës 14.10.2025, e ka dënuar me 1 vit e 8 muaj burgim, për veprën penale “Vjedhja”. Veprimet procedurale do të kryhen nga strukturat e Drejtorisë Vendore të Policisë Tiranë.
