Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
AKTUALITET
Ishte shpallur në kërkim ndërkombëtar pas një vendimi nga Gjykata e Gjakovës, arrestohet nga policia shqiptare Oltion Shehu
PiranjatPërditësimi i fundit 23 Tetor 2025, 10:19
Oltion Shehu, është arrestuar, pasi ishte shpallur në kërkim ndërkombëtar për akuzën e kultivimit të bimëve narkotike në Kosovë. 49 vjeçari Shehu, me një vendim të Gjykatës Themelore të Gjakovës, në shkurt të këtij viti, i ishte caktuar masa e sigurisë “Arrest në burg” për veprën penale "Kultivimi i bimëve narkotike."
Shehu ishte në kërkim ndërkombëtar për disa muaj, ndërsa mësohet se pritet të ekstradohet në Kosovë për t'u përballur me akuzat që rëndojnë mbi të.
Njoftim i policisë:
Policia e Shtetit/Finalizohet operacioni policor i koduar “Operacionalja 69”.
Kapet në Tiranë, nga Drejtoria e Forcës së Posaçme Operacionale, një shtetas shqiptar, i akuzuar për kultivim të bimëve narkotike në Kosovë.
Si rezultat i shkëmbimit të informacionit dhe partneritetit të ngushtë me agjencitë ligjzbatuese në Kosovë, shërbimet e Drejtorisë së Forcës së Posaçme Operacionale të Drejtorisë së Përgjithshme të Policisë së Shtetit, kapën në Tiranë, në kuadër të operacionit “Operacionalja 69”, shtetasin O. Sh., 49 vjeç, të lindur në Tepelenë.
Ai ishte shpallur në kërkim, sepse Gjykata Themelore e Gjakovës, në muajin shkurt, 2025, i ka caktuar masën e sigurisë “Arrest në burg”, për veprën penale “Kultivimi i bimëve narkotike”.
Interpol Tirana vijon bashkëpunimin me agjencitë ligjzbatuese në Kosovë, për të finalizuar procedurën për ekstradimin e 49-vjeçarit.
