Kreu i Grupit Parlamentar të PD, Gazment Bardhi ka reaguar për ngjarjen e rëndë të ndodhur në Lozhan, ku mbeti i vrarë nj&e...
AKTUALITET
Iu arratis policisë dhe përplasi 9 automjete, del fotoja e 31-vjeçarit në Tiranë. Imer Krrashi me tre emra dhe pjesë e grupit të Edison Pulës
PiranjatPërditësimi i fundit 5 Tetor 2025, 16:36
Ky është 31-vjeçari Imer Krrashi, i cili gjatë arratisjet ndaj Policisë në zonën e Liqenit të Thatë në Tiranë përplasi 9 automjete dhe një motor. Policia thotë ndali për kontroll mjetin e tij, bazuar në informacionin e marrë se ky shtetas mund të kishte armë me vete.
Krrashi ka refuzuar kontrollit, duke u larguar me shpejtësi në drejtim të TEG-ut.
Shërbimet e Policisë janë vënë në ndjekje të automjetit, i cili, për shkak edhe të trafikut të rënduar, ka përplasur 9 automjete dhe 1 motomjet, në të cilin qarkullonin shtetasit E. R., 52 vjeç (punonjës policie jashtë shërbimit) dhe bashkëshortja e tij, shtetasja O. R., 46 vjeçe, të cilët ndodhen në spital, jashtë rrezikut për jetën.
Pas një ndjekjeje intensive, bënë të mundur bllokimin e automjetit dhe të drejtuesit të tij. Gjatë kontrollit të automjetit, punonjësit e Policisë së Forcës së Posaçme “Shqiponja” gjetën dhe sekuestruan një armë zjarri pistoletë.
Policia tha se Krashi është me precedent të theksuar kriminal dhe me rrezikshmëri të lartë shoqërore është shoqëruar në ambientet e Komisariatit të Policisë Nr. 1, për veprime të mëtejshme procedurale.
Imer Krrashi, i cili njihet edhe si Imer Masha dhe Imer Uka, është dënuar në Itali për vjedhje, ndërsa ka qenë edhe pjesë e grupit të Edison Pulës. Edison Pula dhe Imer Krrashi u arrestuan në shkurt të vitit 2022 nga policia italiane. Pula, 27- vjeç në atë kohë akuzohej për 50 vjedhje në Trentino.
Ata ishin protagonistët e shumë ngjarjeje kriminale, por njëra prej të cilave ka bërë më shumë bujë është më 14 nëntor 2021, në Marok të Mogliano Veneto, brenda vilës së biznesmenit Giancarlo Miotto.
