Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
AKTUALITET
Iu zbulua një parcelë me kanabis, 51-vjeçari nga Mirdita bie në prangat e policisë
PiranjatPërditësimi i fundit 5 Tetor 2025, 11:36
Policia e Mirditës ka arrestuar një 51-vjeçar për kultivimin e kanabisit në fshatin Bisakë. Gjatë një kontrolli rutinë në zonë, shërbimet e Komisariatit të Policisë zbuluan një parcelë të kultivuar me 22 rrënjë kanabis, të cilat u sekuestruan si prova materiale.
Bëhet me dije se bimët narkotike janë asgjësuar me anë të djegies, përveç një pjese që është sekuestruar në cilësinë e provës materiale.
Njoftimi i policisë:
Mirditë / Vijon operacioni policor i koduar “Koordinata”, për goditjen e rasteve të kultivimit të bimëve narkotike.
Gjatë operacionit u kap në flagrancë, duke u kujdesur për bimët narkotike që kishte kultivuar në një parcelë në fshatin Bisakë, një 51-vjeçar.
Shërbimet e Komisariatit të Policisë Mirditë, si rezultat i kontrolleve në kuadër të planit operacional “Koordinata”, goditën një rast të kultivimit të bimëve narkotike. Gjatë kontrollit të territorit, në fshatin Bisakë, njësia administrative Mirditë, u zbulua një parcelë me 22 bimë të dyshuara narkotike, të llojit cannabis sativa.
Autori i dyshuar, shtetasi Gj. P., 51 vjeç, banues në fshatin Bisakë, Mirditë, u kap në flagrancë duke u kujdesur për bimët narkotike.
Bimët narkotike u asgjësuan me anë të djegies, përveç një pjese që u sekuestrua në cilësinë e provës materiale.
Operacioni policor antikanabis “Koordinata” vijon pa ndërprerje në të gjithë territorin e vendit.
Materialet procedurale iu referuan Prokurorisë për veprime të mëtejshme.
