Kryeministri Edi Rama ka vijuar sulmet ndaj protestuesve që prej javësh janë mbledhur në Tiranë kundër qeverisë së tij...
AKTUALITET
Juglindja prej ditësh e paralizuar, ARRSH: Qarkullimi do të vijojë të mbetet i bllokuar! Ja dy rrugët alternative që mund të ndiqni
PiranjatPërditësimi i fundit 23 Shkurt 2026, 12:31
Autoriteti Rrugor Shqiptar ka dalë me një njoftim zyrtar sa i përket situatës së krijuar sot pas përkeqësimit të situatës te Arra e Gurrës.
Në një postim në rrjetet sociale bëhet me dije se aksi do të vijojë të mbetet i bllokuar, ndërsa sqarohen drejtuesit e mjeteve për dy akset që mund të përdoren.
Postimi i plotë: Qarkullimi do të vazhdojë të jetë i bllokuar në segmentin rrugor në zonën e Arrat e Gurrës, pjesë e aksit Librazhd-Pogradec. Ky segment, i cili pritej të hapej mesditën e sotme, ka pësuar rrëshqitje masive toke, duke e bërë qarkullimin të pakalueshëm. Për arsye sigurie janë tërhequr mjetet e firmës zbatuese dhe është ndaluar qarkullimi i mjeteve dhe këmbësorëve. Aktualisht po kryhet një rivlerësim urgjent gjeologjik dhe teknik, pasi terreni paraqitet i paqëndrueshëm dhe sfidues për ndërhyrje. Ndërkohë specialistët në terren po shohim mundësinë e lëvizjes vetëm për mjete e vogla dhe të emergjencave në një rrugë në zonën përreth. ARRSH, për t’i ardhur në ndihmë drejtuesve të mjeteve, sugjeron përdorimin e akseve alternative si më poshtë:
Pika doganore Qafë Thanë – Maqedoni – Pika doganore e Bllatës – Rruga e Arbërit Duke kërkuar mirëkuptimin e drejtuesve të mjeteve dhe të gjithë banorëve të zonës, ju lutemi të ndiqni me kujdes sinjalistikën rrugore si dhe udhëzimet e Policisë Rrugore.
